कोळसा घेऊन जाणारा ओव्हरलोड ट्रक पलटी, बेलोरा जवळील घटना

एचआरजी कंपनीचा कोळसा घेऊन जाणारा ओव्हरलोड ट्रक पलटी झाल्याची घटना रविवारी सकाळी सात वाजताच्या सुमारास बेलोरा जवळ घडली आहे.यात मात्र सुदैवाने मोठी जीवितहानी टळली असून त्याच मार्गाने जाणाऱ्या टाटा एस वाहनाचे काच फुटले आहे. वेकोलीच्या मुंगोली कोळसा खाणीतून घुग्गुसच्या न्यू रेल्वे सायडिंगवर हा कोळसा भरलेला ट्रक जात होता.

दरम्यान ट्रक ओव्हरलोड असल्याने पलटी झाला.त्यामुळं या मार्गावर काही काळ वाहतूक ठप्प झाली होती.वाहतूक ठप्प झाल्याने येजा करणाऱ्या नागरिक व शेतकऱ्यांना नाहक त्रास सहन करावा लागला.

एचआरजी कंपनीतील वाहनचालकांना दिवसरात्र कामावर बोलावलं जात असून ट्रक चालकांची झोप होत नाही.त्यामुळं असे अपघात घडत असल्याचे बोलले जात आहे.दरम्यान टाटा एस वाहन चालकाने नुकसानभरपाई ची मागणी केली आहे.