वेकोली कोळसा खाणीतील खासगी ट्रक चालकांचे एचआरजी कंपनी विरोधात कामगार चौकात आंदोलन

घुग्घुस:

वेकोलीच्या पैनगंगा मुंगोली कोळसा खाण अंतर्गत चालणाऱ्या वेकोलीच्या खासगी ट्रक चालकांनी कामगार चौकात विविध मागण्यांना घेऊन आज शनिवारी एचआरजी कंपनी विरोधात आंदोलन केले आहे

.एचआरजी कंपनी प्रशासनाने इतर राज्यातून ट्रक चालक आणले. या ट्रक चालकांना कंपनी व्यवस्थापनाकडून अश्लील शिवीगाळ करत दमदाटी करत असल्याचा आरोप ट्रक चालकांनी केला आहे.सोबतच पाण्याची व जेवणाची गुणवत्ता बरोबर नसल्याने ट्रक चालकांना नाहक त्रास सहन करावा लागत आहे.

एखाद्या ठिकाणी अपघात झाल्यास ट्रक चालकांच्या पगारामधून नुकसानभरपाई ची रक्कम कापल्या जात असल्याचा आरोप सुद्धा कामगारांनी केला आहे.

एचआरजी कंपनीत 70 ते 80 ट्रक चालक कार्यरत असून कंपनीकडून ट्रक चालकांचे शोषण केल्या जात असल्याचा आरोप करत येथील कामगारांनी शनिवारी ट्रक थांबवुन कंपनी विरोधात आंदोलन केले.