अरे...बापरे...भरदिवसा चोरी करून सहा लाख ८५ हजार रुपये रोख रक्कम व सोन्याचे दागिने घेऊन चोर फरार अवघ्या चार तासात दोन चोरटे गजाआड तर एक फरार

अरे...बापरे...भरदिवसा चोरी करून सहा लाख ८५  हजार रुपये रोख रक्कम व सोन्याचे दागिने घेऊन चोर फरार

अवघ्या चार तासात दोन चोरटे गजाआड तर एक फरार

रीपोर्टर : राजेश येसेकर

भद्रावती : तालुका प्रतिनिधी

भद्रावती / वरोरा : शहरालगतच्या आनंदवन परीसरातील त्रिमूर्ती नगर येथे वास्तव्यास असलेल्या सुदाम लहाणु खिरटकर यांच्या घरातील मंडळी बाहेर गेले असता चोरट्यांनी सहा लाख ८५ हजार रुपये लंपास केले.

       सदर घरातील सदस्य २८ जुनला  सायंकाळी चार वाजताच्या सुमारास घराला कुलूप लावून शेजाऱ्याकडे बसावस गेले होते. संध्याकाळी सहा वाजता घरी परत आले असता पुढील दरवाज्याचे कुलूप तुटलेले दिसले घरात बघितले असता घरातील सहा लाख ८५ हजाराचे सोन्याचे दागिने व रोख चोरट्यांनी लंपास केल्याची दिसून आले. या घटनेची माहिती वरोरा पोलिसात तक्रार देताच  पोलिसांनी सीसीटीव्ही कॅमेऱ्याच्या मदतीने अवघ्या चार तासात हिंगणघाट येथून दोन चोरट्यांना ताब्यात घेतले एक चोरटा फरार झाला त्याचा शोध वरोरा पोलीस घेत आहे.

वरोरा पोलिसांनी घटनास्थळाजवळचे सीसी टीव्ही फुटेंची पाहणी केली. त्यात चोरट्यांचे चेहरे स्पष्ट आले त्यानंतर आनंदवन चौकात वरोरा पोलीस स्टेशन तर्फे लावण्यात आलेले सीसीटीव्ही पाहणी केली असता चोरटे दुचाकी वाहनाने नागपूर दिशेने गेले असल्याचे दिसून आले वरोरा पोलिसांनी हिंगणघाट येथे जाऊन विशाल उर्फ बबलू गायकवाड वय ३२ वर्ष  व राम पवार वय २६ वर्ष  या दोघांना अवघ्या चार तासात ताब्यात घेतले त्यांच्याकडून दीड लाख रुपयांचा ऐवज जप्त केला यामध्ये आणखी  एकाचा समावेश असलेल्या आरोपीचा वरोरा पोलीस शोध घेत आहे. घरफोडी करणाऱ्या तिघांवरही नागपूर वर्धा जिल्ह्यात अनेक घरफोडीचे गुन्हे दाखल असल्याची माहिती पुढे आली आहे चोरट्यांनी गुन्ह्यात वापरलेली बजाज पल्सर पोलिसांनी ताब्यात घेतली आहे. सदर घटनेचा तपास वरोरा पोलीस स्टेशनचे गुन्हे शोध पथक प्रमुख पोलीस उपनिरीक्षक किशोर मित्तलवार व त्यांचे सहकारी करीत आहे.