शेत शिवारात विज खांबावरील तुटलेल्या तारेला स्पर्ष झाल्याने शेतकरी जखमी

शेत शिवारात विज खांबावरील तुटलेल्या तारेला स्पर्ष झाल्याने शेतकरी जखमी

रीपोर्टर : राजेश येसेकर

भद्रावती : तालुका प्रतिनिधी

भद्रावती : तालुक्यातील मनगाव येथील शेतकरी शिवारात दि. २७  जुन २०२३ रोज मंगळवारला ४.३० वाजताच्या दरम्यान गावातील  शेतकरी सुधाकर पुंडलिक पडोळे वय ३६ वर्ष यांच्या शेतात सोयाबीनची पेरणी सुरु असतांना  विज खांबावरील तुटलेल्या तारेला स्पर्ष झाल्याने

   सदर शेतकरी जखमी झाला

सुधाकर यांच्या तळहाताला जखम झाली असून सुदैवाने मोठा अनर्थ टळला. यावेळी त्याच्या शेतात आईवडील यांच्या सोबत शेतमजूर होते. या घटनेची माहिती स्व:ता सुधाकर आणि मंगला वांढरे यांनी माजरी पोलीस स्टेशन आणि विज वितरण कार्यालयात दिली.

          सदर या घटनेची माहिती विज वितरण कार्यालयात प्राप्त होताच सबंधित विभागाकडून तुटलेल्या तारा पूर्ववत  करण्याच्या कामाला सुरुवात झाल्याचे माहिती आहे. मनगाव शेत शिवारात कृषी पंपांना वीजपुरवठा करण्यात आलेल्या विज तारा ठिकठिकाणी लोंबकळत असल्याने शेतकरी व शेतमजूर यांना धोका निर्माण झाला आहे. विज वितरण कंपनीच्या वतीने सदर तारा खिचण्यात याव्या अशी मागणी मनगाव ग्रामपंचायत सरपंच सुनील खामणकर आणि सामाजिक कार्यकर्ते कपील रांगणकर यांनी केली आहे.