*तालुक्यातील ४० पोलीस पाटलांनी ताडोबा अभयारण्यात केली भ्रमंती.* *माया वाघिणीचे झाले दर्शन*

*तालुक्यातील ४० पोलीस पाटलांनी ताडोबा अभयारण्यात केली भ्रमंती.*

माया वाघिणीचे झाले दर्शन

*रीपोर्टर : राजेश येसेकर*

*भद्रावती :तालुका प्रतिनिधी*

भद्रावती : वनविभागाच्या वतीने भद्रावती तालुक्यातील पोलीस पाटील यांची कार्यशाळा ताडोबा राष्ट्रीय उद्यानात आयोजित करण्यात आली. या कार्यशाळेत तालुक्यातील ४० पोलीस पाटलांनी सहभाग घेतला होता.

         यादरम्यान वनभ्रमंती करीत असताना ताडोबातील सुप्रसिद्ध माया वाघिणीचे यांना अगदी जवळून दर्शन झाले.

        मोहर्ली येथील वनविभागाच्या सभागृहात सदर कार्यशाळा घेण्यात आली. या कार्यशाळेत उत्कृष्ट गाईड म्हणून पुरस्कार प्राप्त झालेले वसंत सोनुने यांनी कार्यशाळेला उपस्थित असलेल्या पोलीस पाटलांना जंगल तथा वन्य प्राण्यांबद्दल सविस्तर माहिती दिली. जंगलांचे संवर्धन, जतन, वनामुळे पर्यावरणाला होणारा लाभ वन्य प्राणी व त्यांचे संवर्धन याविषयीची माहिती या कार्यशाळेत देण्यात आली. निसर्गाचा आणि पर्यावरणाचा समतोल साधण्यासाठी प्रत्येक क्षेत्रातील नागरिकांनी करावे असे आवाहन यावेळी करण्यात आले. कार्यशाळेनंत ताडोबा अभयारण्यात सर्व पोलीस पाटलांना ताडोबा भ्रमंती करविण्यात आली.

      या भ्रमंती दरम्यान पोलीस पाटलांना हरीण, रानम्हशी यासारख्या प्राण्यासोबत या अभयारण्यातील माया या सुप्रसिद्ध वाघिणीचे अगदी जवळून दर्शन मिळाल्याने सर्व पोलीस पाटलांनी समाधान व्यक्त केले.

           या कार्यशाळेला पोलीस पाटील संघटनेचे जिल्हा अध्यक्ष योगेश मत्ते, तालुका अध्यक्ष रवींद्र पोईनकर,उपाध्यक्ष सुनीता ठोंबरे, सचिव देव बाबा पारसे, जयंत कुळमेथे यांच्यासह तालुक्यातील ४० पोलीस पाटील सहभागी झाले होते.