*सर्वसामान्य जनतेला न्याय मिळवून देण्यासाठी भाजपात प्रवेश : रमेश राजूरकर* *उपमुख्यमंत्री फडणवीस, प्रदेशाध्यक्ष बावनकुळे यांच्या उपस्थितीत पक्षप्रवेश करणार*

*सर्वसामान्य जनतेला न्याय मिळवून देण्यासाठी भाजपात  प्रवेश : रमेश राजूरकर*

उपमुख्यमंत्री फडणवीस, प्रदेशाध्यक्ष बावनकुळे यांच्या उपस्थितीत पक्षप्रवेश करणार

*रिपोर्टर : राजेश येसेकर*

*भद्रावती तालुका प्रतिनिधी*

भद्रावती : सर्वसामान्य जनतेचे सार्वजनिक प्रश्न समस्या आणि मागण्या मार्गी लावण्यासाठी अनेक अडचणी येतात या करीता वेळोवेळी सामना करावा लागतो. या सर्व अडचणी राजकारणात गेल्याशिवाय सोडविता येत नाही. आजपर्यंत करीत असलेल्या समाजकार्यातुन असा अनुभव आला आहे. सर्वसामान्य जनतेला न्याय देण्याचे काम केवळ भारतीय जनता पक्षाच करु शकतो. असा आत्मविश्वास मला आल्याने मी येत्या २५जुनला मान्यवरांच्या उपस्थितीत असंख्य कार्यकर्त्यांसह भारतीय जनता पक्षात प्रवेश करीत आहे. असे सामाजिक कार्यकर्ते रमेश राजूरकर यांनी पत्रकार परिषदेत बोलताना सांगितले.

   यावेळी भाजपचे ज्येष्ठ नेते चंद्रकांत गुंडावार, प्रविण सातपुते, किशोर गोवारदिपे, प्रशांत डाखरे,निशांत देवगडे,अमित गुंडावार, चेतन गुंडावार, प्रविण शेंडे, तुळशीराम श्रीरामे, सुनंदा माणूसमारे आणि माधव बांगडे उपस्थित होते.

      याप्रसंगी सामाजिक कार्यकर्ते रमेश राजूरकर पुढे म्हणाले की पंतप्रधान नरेंद्र मोदी यांनी देशाची धुरा सांभाळल्यानंतर देशाला ज्या पध्दतीने प्रगतीपथावर आणले त्यांच्या या कार्याने मी प्रभावित हो

झालो. मी माझ्या संस्थेद्वारे समाजकार्य करीत आहे. परंतु हे कार्य करीत असतांना ज्या प्रमाणात पाहिजे त्या प्रमाणे यश मिळत नाही. त्याला राजकारणाची साथ पाहिजे. म्हणून मी माझ्या समाज कार्यास शंभर टक्के न्याय देण्यासाठी भाजपात  प्रवेश करीत आहे. पक्षप्रवेशानंतर  माझ्यासमोर आगामी येणाऱ्या भद्रावती व वरोरा नगरपालिका, पंचायत समिती, जिल्हा परिषद आणि लोकसभा निवडणुकांचे आव्हान आहे. या निवडणुकीत भारतीय जनता पक्षाला यश मिळवण्यासाठी मला माझ्या कार्यकर्त्यांना सोबत घेऊन कार्य करावे लागेल असेही ते यावेळी म्हणाले दि. २५जून २०२४रोज रविवारला तिन वाजता स्थानिक जैन मंदिर सभागृहात राज्याचे उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, पालकमंत्री सुधीर मुनगंटीवार, राष्ट्रीय ओबीसी आयोगाचे अध्यक्ष हंसराज अहिर, पूर्व विदर्भ संघटनमंत्री उपेंद्र कोठेकर,आणि भाजप जिल्हा अध्यक्ष देवराव भोंगळे यांच्या प्रमुख उपस्थितीत पक्षप्रवेश करण्यात येईल.

  यावेळी वरोरा भद्रावती विधानसभा क्षेत्रातील असंख्य कार्यकर्ते पक्षात प्रवेश करणार असल्याचे रमेश राजूरकर यांनी सांगितले.