आठवडी बाजार व गुजरी करवसुलीचे पंधरा रुपयेच घ्या : आमदार जोरगेवार

घुग्घूस : शहरातील व्यापारी बांधवानी काल दिनांक 23 जून रोजी स्नेहप्रभा मंगल कार्यालय येथे आमदार किशोर जोरगेवार यांची भेट घेऊन आपल्या समस्या व्यक्त केल्या आठवडी बाजार व गुजरीचा नगरपरिषदे तर्फे लिलाव करण्यात आला असून नगरपरिषदे तर्फे करवसुलीचे कंत्राट दिलेल्या व्यक्ती कडून व्यापाऱ्यांना दमदाटी देऊन बळजबरीने जास्त रकमेची कर वसुली सुरू असून सध्या परिस्थितीत व्यवसायात नफाच होत नसल्याने हा अतिरिक्त बोझा आमच्याने सहन होत नसून कुटुंब चालविणे जड जात आहे अशी फिर्याद व्यापाऱ्यांनी आमदाराकडे केली.

तसेच या आधी नगरपरिषद स्वतः कर आकारणी व वसुली करीत असतांना नियमाप्रमाणे कर गोळा केल्या जात होता.

मात्र आता मनमर्जी प्रमाणेच कर वसुली होत असल्याची तक्रार करताच आमदार जोरगेवार यांनी नगरपरिषदेचे मुख्याधिकारी जितेंद्र गादेवार यांना नगरपरिषदेचे आठवडी बाजार व गुजरी बाजाराचे करपत्रक जाहीर व प्रकाशित करून व्यापाऱ्यांना द्यावे व नियमानुसारच पंधरा रुपये  प्रमाणे कर घ्यावा अशी सूचना दिल्या तसेच ज्या व्यापाऱ्यांना अतिक्रमण अंतर्गत दुकाने हटविण्याचे नोटीस देण्यात आले असून त्यांची दुकाने हटविण्यात येऊ नये दुकानामुळे रहदारीस अडथडा येत असल्यास दुकाने थोडे मागे घेण्यास सुचवावे असे कळविले आमदाराने व्यापाऱ्यांशी बैठक करून व्यापाऱ्यांची समस्या ऐकून घेतल्याने व्यापाऱ्याने आमदारांचे आभार व्यक्त केले