Breking news !!! चंद्रपूर-घुग्गुस मार्गावरील चिंचाळा गावाजवळ ट्रक व चारचाकी वाहनाचा भीषण अपघात, चार जणांचा जागीच मृत्यू

चंद्रपूर-घुग्गुस मार्गावरील चिंचाळा गावाजवळील अहमद लॉन जवळ ट्रक व चारचाकी वाहनाचा भीषण अपघात झाला असून चार जणांचा जागीच मृत्यू झाल्याची धक्कादायक घटना शुक्रवारी दुपारी घडली आहे.

रफीक नबी वस्ताद शेख , पत्नी संजिदा रफीक शेख , युसूफ नबी वस्ताद शेख, पत्नी मुमताज युसूफ शेख असे अपघातात ठार झालेल्याची नाव असून हे सर्वजण मारेगाव येथील रहिवासी आहे.

हे कुटुंब काल गुरुवार ला आपल्या नातेवाईकांच्या साक्षगंधाला राजुरा जिल्हा चंद्रपूर येथे गेले होते.मारेगाव कडे बोलेरो क्रमांक एम.एच.29 बी. सी . 6321 ने परतीचा प्रवास सुरु असतांना घुगूस नजीक हे वाहन दुभाजकावर आदळून रस्त्याच्या दुसऱ्या बाजूला उभ्या ट्रकला जबर धडक दिली.या भयाण अपघातात बोलेरो वाहनाचा चक्काचूर होऊन यातील मारेगावचे दोन सख्ख्ये भाऊ व त्यांच्या पत्नी जागीच ठार झाले.

अपघात एवढा भयावह होता की वाहनाचे प्रत्येक भाग गॅस कटरने कापून मृतकांना बाहेर काढण्यात आले. या घटनेची माहिती पडोली पोलिसांना मिळताच पोलिसांनी तात्काळ घटनास्थळी धाव घेतली व पंचनामा करून तपास सुरू केला.