*प्रेमियुगल अडकले विवाहबंधनात* *कोकेवाडा येथील तंटामुक्त समितीच्या पुढाकाराने लागले विवाह*

*प्रेमियुगल अडकले विवाहबंधनात*

कोकेवाडा येथील तंटामुक्त समितीच्या पुढाकाराने लागले विवाह

रिपोर्टर राजेश येसेकर

भद्रावती प्रतिनिधी

भद्रावती :-तालुक्यातील कोकेवाडा(तु) येथील तंटामुक्त समितीच्या पुढाकाराने प्रेमी युगुल अडकले विवाहबंधनात

       भद्रावती तालुक्यातील कोकेवाडा ( तु) येथील युवक सुनील देवराव दडमल वय २८ वर्षे व सोनेगाव पो. आष्टा येथील युवती पल्लवी शत्रुघ्न नन्नावरे वय २३वर्ष हे दोघेही  अनेक दिवसांपासून  एकमेकांना ओळखत होते. ओळखीचे रुपांतर होऊन प्रेमसबंध वाढत गेले.

        दोघांनीही विवाह करून आयुष्यभर एकत्र राहण्याचा निर्णय घेतला परंतु आंतरजातीय असलेल्या घरच्यांनी विरोध केला.

       त्यामुळे दोघांनी तंटामुक्त समिती व पोलीस पाटील यांच्याकडे धाव घेतली. दोघांच्याही म्हणण्यानुसार विवाह लावून देण्यासाठी  गावातील ग्रामपंचायत कार्यालयात एक बैठक घेण्यात आली. या बैठकीत पोलीस पाटील भोलेश्वर सोयाम, तंटामुक्त समिती अध्यक्ष गुणवंत तिकडे, सरपंच विध्या सावसागडे, ग्रामपंचायत सदस्य मारोती शेंडे, प्रिती सोयाम, माजी उपसरपंच किशोर मडावि आणि गावकरी या सर्वांच्या उपस्थितीत सुनील व पल्लवी यांनी विवाह बंधनात अडकण्याचा आपला निर्णय जाहीर केला.

           त्यामुळे उपस्थित सर्वांनी त्यांचा विवाह लावून देण्याचा निर्णय घेतला. विवाहास आवश्यक असणाऱ्या साहित्याची खरेदी करण्यात आली. आणि सर्वांच्या साक्षीने सूनिल आणि पल्लवी आयुष्यभर एकमेकांना साथ देण्यासाठी विवाह बंधनात अडकून उपस्थितांनी भरभरून शुभाशिर्वाद देण्यात आले.