नगरपरिषदेची दुटप्पी भूमिका सेवा केंद्राला माफी गरीब व्यापाऱ्यांवर कारवाई ?

घुग्घूस : शहरात मागील अनेक वर्षांपासून छोटे व्यापारी हे छत्रपती शिवाजी महाराज चौक व बस स्थानक परिसरात शासकीय जागेवर आपली दुकाने चालवीत आहेत.

नुकताच लॉयड्स मेटल्स कंपनीने आपल्या विस्तारीकरणा साठी आपला प्रवेशद्वार हा छत्रपती चौक पर्यंत वाढविला आहे

आता या प्रवेशदारा जवळील भाजीपाला, जोड्याची दुकाने व अन्य दुकाने ही लॉयड्स कंपनीला डोळ्यात रुतु लागली मात्र सदर जागा त्याची नसल्याने तो या व्यापाऱ्यांना हटवू शकला नाही.

यासाठीच नगरपरिषदेची मदत घेण्यात येत असून नगरपरिषदेने दिनांक 13 जून रोजी व्यापाऱ्यांना पाच दिवसात दुकान हटविण्याची अन्यथा कारवाईचा इशारा देण्यात आला आहे.

ही नगरपरिषदेची दुटप्पी भूमिका असून यामागे एका राजकीय पक्षाचा अदृश्य हात असल्याची शक्यता नाकारता येत नाही.

शहरातील सर्वात मोठा अतिक्रमण हा सुधीर मुनगंटीवार सेवा केंद्रा तर्फे करण्यात आला असून सेवा केंद्रा मागील जागेवर ही अतिक्रमण करण्यात आले आहे.

आता शहरातील इतर अतिक्रमण धारकांना हटवीत असतांना  नगरपरिषदे तर्फे शहरातील सर्वात मुख्य मार्गावरील सेवा केंद्राचा अतिक्रमण हटविण्याचा  धाडस मुख्याधिकारी जितेंद्र गादेवार यांच्याशी होईल की गोरगरीब जनतेवरच यांची मर्दमुखी चालणार हे येणाऱ्या काळातच कळेल