*मा.आमदार,लोकनेते विजयभाऊ वडेट्टीवार* *यांचेकडून सावली येथील कॅन्सरग्रस्त रुग्णाला आर्थिक मदत*

*मा.आमदार,लोकनेते विजयभाऊ वडेट्टीवार*

*यांचेकडून सावली येथील कॅन्सरग्रस्त रुग्णाला आर्थिक मदत*

✍️दिनेश झाडे

चंद्रपूर जिल्हा प्रतिनिधी

सावली:- दिनांक:१९ जून २०२३

सावली शहरातील वॉर्ड क्र.३, येथील श्री.वसंता सदाशिव वाकडे, वय ४८ वर्षे हे  घरातील कमवता व्यक्ती असून घरातील आर्थिक परिस्थिती खूप हलाकीची आहे. त्यामुळे वाहन चालकाचे काम करून वसंता वाकडे हे घरखर्च चालवतात. मागील ६ महिन्यापुर्वी उपचारादरम्यान त्यांना कॅन्सर असल्याचे डॉक्टरांनी सांगितले.कमावत्या व्यक्तीवर दुःखाचे संकट कोसळल्याने उदरनिर्वाहा प्रश्न निर्माण झाला.

या घटनेमुळे सावली शहरात हळहळ सुरु झाली, सावली तालुका काँग्रेस कमिटीचे अध्यक्ष नितीन गोहणे यांनी, सदर घटनेचे गांभीर्य समजून राज्याचे माजी मंत्री व लोकनेते, आमदार विजयभाऊ वडेट्टीवार यांना तात्काळ संपर्क करून श्री.वसंता सदाशिव वाकडे यांना पुढील उपचारासाठी व छोटा मोठा धंदा करून उदरनिर्वाह करण्यासाठी मा.आमदार विजयभाऊ वडेट्टीवार यांचेकडून आर्थिक मदत पाठवली.सदर मदत सावली नं.प.च्या नगराध्यक्षा सौ.लताताई लाकडे यांनी वसंता वाकडे यांचे बंधू रमेश वाकडे यांच्याकडे प्रदान केली.

यावेळी वाकडे कुटुंबियांनी मा.आमदार.विजयभाऊ वडेट्टीवार, यांचे मनापासून आभार व्यक्त केले. यावेळी सावली शहर महिला अध्यक्षा सौ.भारती चौधरी, नगरसेविका सिमा संतोषवार,नगरसेवक सचिन सांगिडवार,युवक काँग्रेस शहर अध्यक्ष अमर कोनपत्तीवार तसेच काँग्रेस जनसंपर्क कार्यालय व सोशल मीडिया तालुका अध्यक्ष कमलेश गेडाम,व आशिष खोब्रागडे उपस्थित होते.