*शेतकरी व नागरिकांना धोकादायक ठरत असलेले नागाळा कोल डेपो बंद करा* *शहर काँग्रेसचे जिल्हाधिकाऱ्यांना निवेदनातून मागणी*

*शेतकरी व नागरिकांना धोकादायक ठरत असलेले नागाळा कोल डेपो बंद करा*

शहर काँग्रेसचे जिल्हाधिकाऱ्यांना निवेदनातून मागणी

✍️दिनेश झाडे

चंद्रपूर जिल्हा प्रतिनिधी

घुग्घूस :-ते चंद्रपूर मुख्य मार्गाला लागूनच जवळपास विस ते पंचवीस कोल डेपो निर्माण करण्यात आलेले आहे.

या कोल डेपो मध्ये जाळीच्या माध्यमातून कोळश्याची गाळणी व छाटणी करण्यात येते यामुळे परिसरात मोठ्या प्रमाणात कोळश्याचे कण मिश्रित धूळ उडत असल्याने शेतपिकाचे मोठे नुकसान होत आहे.

तसेच रस्त्यावरून जाणाऱ्या वाहन चालकांच्या डोळ्यात धूळ जाऊन अपघातांचे प्रमाण वाढले आहे.

या कोल डेपोचे वाहन ही विरुद्ध दिशेने येत असल्याने अपघातांची शक्यता निर्माण झाली आहे

तसेच कोल डेपो मध्ये शासन मान्य परवानाच्या आत वेकोली मधून चोरी करण्यात येणारा कोळसा धानोरा गडचांदूर - राजुरा परिसरातील वेकोली खाणीतून निघणारा कोळसा वाहनातून चोरी अथवा अवैध खरेदी केलेला येथे विकल्या जातो त्या काळ्या कोळश्याला मोठ्या चलाखीने हे डेपो धारक पांढरा करून चढ्या दराने बाजारात विकतात व पांढऱ्या दगड मातीत कंपनीतुन निघणारी काळी चुरी मिक्स करून त्याला ही बाजारात विकल्या जात असल्याचा प्रकार होत असल्याची चर्चा करिता सदर प्रकरणाची योग्य ती शहानिशा करून सदर कोल डेपो या ठिकाना वरून अन्यत्र हटवा किंवा बंद करा अशी मागणी घुग्घूस शहर काँग्रेस कमिटीच्या वतीने शहर अध्यक्ष राजुरेड्डी यांच्या नेतृत्वाखाली जिल्हाधिकारी चंद्रपूर विनय गौडा यांना शिष्टमंडळाच्या वतीने देण्यात आले.

याप्रसंगी कामगार नेते सैय्यद अनवर, रोहित डाकूर,रोशन दंतलवार,अभिषेक सपडी व अन्य पदाधिकारी उपस्थित होते.