*गोंडपिपरी ग्रामीण रुग्णालय च्या नवीन इमारत बांधकामासाठी निधी उपलब्ध करा* *उपमुख्यमंत्री देवेंद्र फडणवीस यांच्याकडे आ. सुभाष धोटेंची निवेदनाद्वारे मागणी*

*गोंडपिपरी ग्रामीण रुग्णालय च्या नवीन इमारत बांधकामासाठी निधी उपलब्ध करा*

उपमुख्यमंत्री देवेंद्र फडणवीस यांच्याकडे आ. सुभाष धोटेंची निवेदनाद्वारे मागणी

✍️दिनेश झाडे

चंद्रपूर जिल्हा प्रतिनिधी

राजुरा :-- राजुरा मतदार संघातील ग्रामीण रुग्णालय गोंडपिपरी, जिल्हा चंद्रपूर येथील ३० खाटांचे रुग्णालय इमारतीचे बांधकाम सन १९८२ साली करण्यात आले असुन जुनी इमारत पूर्णतः जीर्ण झालेली आहे. पावसाच्या दिवसात संपूर्ण इमारतीला गळती लागलेली असते. सदर इमारतीचे संरचनात्मक लेखापरीक्षण अहवालानुसार (Structural Audit Report) बांधकाम स्थिरता प्रमाणपत्राची तपासणी केली असता सदर इमारत वापरण्यायोग्य नसल्याचे कळविण्यात आले आहे. भविष्यात सदर इमारतीमुळे कधीही धोका निर्माण होऊन जीवित हानी होण्याची शक्यता नाकारता येणार नाही. या पूर्णपणे जीर्ण झालेल्या इमारतीमध्ये ग्रामीण भागातील जनतेला आरोग्य विषयक सेवा पुरविणे धोक्याचे ठरणार आहे. त्यामुळे शासकीय अभियांत्रिकी महाविद्यालय चंद्रपूर यांचे पत्र क्र. GCOEC/CIV/TR / २०२२ / MTR-०२८२३/२३७१ दिनांक २५/०५/२०२३ रोजी दिलेल्या Structural Audit अहवालानुसार या इमारतीचे नव्याने बांधकाम करणे आवश्यक आहे.

       करिता राजुरा मतदार संघातील ग्रामीण रुग्णालय गोंडपिपरी येथील इमारतीचे नव्याने बांधकाम करणेसाठी संबंधित यंत्रणेकडून बांधकामाचे अंदाजपत्रक मागवून कामास मंजुरी प्रदान करून निधी उपलब्ध करून देण्यात यावा अशी मागणी लोकप्रिय आमदार सुभाष धोटे यांनी राज्याचे उपमुख्य मंत्री तथा वित्त मंत्री देवेंद्र फडणवीस यांच्याकडे निवेदनाद्वारे केली आहे.