काँग्रेसच्या आंदोलनाचा नगरपरिषदेने घेतला धसका

शहरातील समस्यां तातळीने सोडविण्याचे दिले लेखी पत्र

घुग्घूस : नगरपरिषदेत नागरिकांच्या समस्यां सोडवण्यासाठी कोणीच जवाबदार अधिकारी नसल्याच्या निषेधार्थ काँग्रेस शहर अध्यक्ष राजुरेड्डी यांच्या नेतृत्वाखाली मुख्यधिकाऱ्याच्या रिकाम्या खुर्चीला निवेदन देत निषेध आंदोलन करण्यात आले.

सदर आंदोलनाच्या माध्यमातून शहरातील पाणी समस्या, घाणीने भरलेल्या गटारी - मोलकळीस आलेल्या नाल्या, पथदिव्यांची समस्या,नगरपरिषदे तर्फे करण्यात येणाऱ्या विकासकामांचे  राजकीय श्रेय घेण्यासाठी भाजप नेत्या तर्फे करण्यात येणारे भूमिपूजन व उदघाटन यावर कारवाई करणे, नगरपरिषदेत येणाऱ्या नागरिकांच्या समस्या सोडविणे आदी प्रमुख प्रश्नांना वाचा फोडण्यासाठी सदर आंदोलन करण्यात आले

आंदोलनाची दखल घेत नगरपरिषदेचे मुख्याधिकारी जितेंद्र गादेवार यांनी अधिनस्थ कर्मचाऱ्यांना तातळीने समस्या सोडविण्याचे आदेश दिले व सदर पत्राची प्रतिलिपी शहर अध्यक्ष रेड्डी यांना ही दिली

सदर आंदोलनाचा नगरपरिषदेने चांगलाच धसका घेतल्याचे निरदर्शनास येत असून लवकरच कायमस्वरूपी मुख्याधिकारी करिता काँग्रेस तर्फे आंदोलन छेळण्यात येणार आहे