*वर्धा नदीत बुडून युवकाचा मृत्यू, चंद्रपुर बचाव पथकाने रेस्क्यू करून मृतदेह काढला पाण्याबाहेर*

वर्धा नदी बेल्सनी घाटातील घटणा

    बेल्सनी: वर्धा नदीत बुडून एका युवकाचा मृत्यू झाल्याची धक्कादायक घटना आज सोमवारी सकाळी उघडकीस आली असून चंद्रपुर बचाव पथकाने रेस्क्यू करून मृतदेह पाण्याबाहेर काढला आहे.मुकेश मडावी असे 25 वर्षीय मृत युवकाचे नाव असून तो वडगाव येथील रहिवासी आहे.

मिळालेल्या माहितीनुसार मुकेश मडावी हा बेलसनी गावात वॉटर सप्लायचे काम करत होता. दरम्यान तो वर्धा नदीत रविवारी दुपारीच्या सुमारास पोहायला गेला, मात्र पाण्याचा अंदाज न आल्याने मुकेशचा पाण्यात बुडून मृत्यू झाला.या घटनेची माहिती घुग्घुस पोलिसांना देण्यात आली.पोलिसांनी घटनास्थळी दाखल होऊन मृतदेह शोधला मात्र त्यांना मृतदेह आढळून आला नाही.

या घटनेची माहिती चंद्रपुर बचाव पथकाला देण्यात आली. त्यानंतर चंद्रपुर बचाव पथकाने वर्धा नदीत बोटीच्या साहाय्याने शोध मोहीम राबविली असता मृतदेह पाण्याबाहेर काढला. ही कारवाई पोलिस अधिक्षक रविंन्द्र परदेशी यांच्या मार्गदर्शनात,चंद्रपुर बचाव पथकाचे अशोक गर्गेलवार, दिलीप चौहान, नक्षणे, उमेश बनकर, मंगेश मत्ते,अतुल चहारे, बाहे, मोरेश्वर खेडेकर, उमेश मोगरे आदींनी केली आहे.