घुग्घुस पडोली मार्गावर रेतीचे दोन ट्रक जप्त,

पडोली सपोनि, यांनी धडक कारवाई रेती तस्करांचे धाबे दणानले,

  पडोली  :  रेती वाहतूकीवर प्रशासनाने बंदी घातली आहे. या बंदीतही रेती तस्कर फायदा उचलत आहेत. रात्र बेरात्री रेतीची तस्करी सुरु आहे. रेतीत मोठा नफा असल्याने पोलीस विभाग, महसूल विभागाला न जुमानता रेतीची अवैध वाहतूक सुरू असल्याचा प्रकार चंद्रपुरात उघडकीस आला आहे.

 पोलीस कर्मचाऱ्यांची पेट्रोलिंग सुरु असताना रेतीची अवैध वाहतूक करणाऱ्या दोन ट्रकवर पोलिसांनी कार्यवाही केली. दोन चालकांना ट्रक सह पोलीसांनी ताब्यात घेतले आहे. पोलीस कर्मचाऱ्यांना पेट्रोलिंग दरम्यान घुग्घूस येथून पडोलीत येत असताना दोन ट्रकमधून रेतीची वाहतूक होताना आढळली. 

त्यानंतर पोलिसांना बघताच ट्रक चालकांनी पळ काढला. परंतू पाठलाग करीत अखेर पोलिसांनी ट्रक ताब्यात घेतला. दरम्यान अविनाश नारायण ठाकूरीया, सरफराज खान भुरेखान पठाण या दोघांना पोलिसांनी ताब्यात घेतले. त्यांच्याकडून एकूण 30 लाख 40 हजार चा मुद्देमाल जप्त केला आहे. तसेच या प्रकरणाचा अधिक तपास पडोली पोलीस करीत आहेत. या कारवाई ने रेती तस्करांमध्ये भीतीचे वातावरण पसरले आहेत