*ओबीसींचा चेहरा, काँग्रेसचा लढवय्या नेता हरवला - आमदार सुभाष धोटे.*

*ओबीसींचा चेहरा, काँग्रेसचा लढवय्या नेता हरवला - आमदार सुभाष धोटे.*

✍️दिनेश झाडे

चंद्रपूर जिल्हा प्रतिनिधी

राजुरा :-चंद्रपूर - वणी - आर्णी लोकसभा मतदारसंघाचे लोकप्रिय खासदार बाळुभाऊ धानोरकर हे चंद्रपूर जिल्ह्यासाठीच नव्हे तर संपूर्ण महाराष्ट्रासाठी भूषणावह होते. ते ओबीसी समाज आणि परिसरातील सर्वसामान्य जनतेचा चेहरा बनून क्षेत्रात विकासासाठी झटत होते. चंद्रपूर जिल्ह्य़ातील काँग्रेसच्या अनेक वर्षांपासूनच्या अपयशाला मिटवून त्यांनी गरूडझेप घेत विजयश्री खेचून आणली. त्यांच्या माध्यमातून काँग्रेस पक्षाला सर्वसमावेशक आणि लढवय्या असे नेतृत्व लाभले. पक्ष बांधणी, पक्ष बळकटीसाठी आणि विस्तारासाठी त्यांनी परिश्रम घेतले. त्यांच्या माध्यमातून काँग्रेस पक्षाला आणि या क्षेत्राला प्रगतीचा आनखी बराच मोठा टप्पा पार करायचा होता. मात्र दुर्दैवाने खासदार बाळुभाऊ धानोरकर कुणाला काही कडायच्या आतच अचानक प्रकृती अस्वस्थ्यामुळे दिल्ली येथे वैद्यकीय उपचार सुरू असतानाच त्यांच्यावर काळाने घाला केला. आणि त्यांना आपल्यापासून हिरावले. त्यांच्या दुःखद निधनाने काँग्रेसचा एक अतिशय हुशार, युवा, तडफदार नेता, ओबीसी आणि सर्व समावेशक चेहरा, लढवय्या नेता हरवला याचे अतिव दुःख मला झाले आहे. त्यांच्या निधनाने राजकीय, सामाजिक क्षेत्रात निर्माण झालेली ही पोकळी कधीही भरून न निघणारी आहे. धानोरकर कुटुंबीयांवर ओढावलेल्या या दुःखद प्रसंगी  मी ईश्वर चरणी प्रार्थना करतो की हे दुःख सहन करण्याचे बळ त्यांना ईश्वर प्रदान करतील. माझ्या, माझ्या परिवारातर्फे आणि समस्त चंद्रपूर जिल्हा काँग्रेस परिवार व राजुरा विधानसभा मतदासंघातील जनतेतर्फे मी त्यांना भावपूर्ण श्रद्धांजली अर्पण करतो.