वडिलांच्या निधनानंतर बाळू धानोरकरांची प्रकृती खालावली, एअर ॲम्बुलन्सने दिल्लीला

वडिलांच्या निधनानंतर बाळू धानोरकरांची प्रकृती खालावली, एअर ॲम्बुलन्सने दिल्लीला

✍️दिनेश झाडे

चंद्रपूर जिल्हा प्रतिनिधी

चंद्रपूर :-खासदार बाळू धानोरकर यांची प्रकृती बिघडली असुन काल शनिवारी 27 मे रोजी नागपूर येथील खाजगी रुग्णालयात किडनी स्टोन वर उपचार करण्यासाठी दाखल करण्यात आले होते. आज त्यांच्या पोटात दुखत असल्यामुळे त्यांना पुढील उपचारासाठी विशेष एअर ॲम्बुलन्सने दिल्ली येथील वेदांता हॉस्पिटल येथे हलवण्यात आले आहे.

विशेष म्हणजे  धानोरकर यांचे वडील नारायण आत्माराम धानोरकर यांचे  शनिवारी 27 मे रोजी सायंकाळी 5.30 नागपूर येथे दीर्घ आजाराने निधन झाले. ते 80 वर्षांचे होते. त्यांच्यावर नागपूर येथील अरिहंत हॉस्पिटल येथे उपचार सुरू होते. उपचारादरम्यान त्यांचे निधन झाले. त्यांच्या पार्थिव देहावर आज रविवार दिनांक 28 मे रोजी सकाळी 9 वाजता भद्रावती येथील जैन मंदिर स्मशानभूमी येथे अंत्यसंस्कार करण्यात आले आहे.

‘’खासदार बाळू धानोरकर यांनी कार्यकर्त्यांना जाहीर सूचना केल्या

काल शनिवार दिनांक २७ मे रोजी नागपूर येथील खासगी रुग्णालयात किडनी स्टोनवर उपचार केले. परतू आज पोटात दुखू लागल्याने तपासणीसाठी दिल्ली येथील वेदांता हॉस्पिटल येथे जात आहे. माझी प्रकृती स्थिर असून, कार्यकर्त्यांनी घाबरून जाऊ नये, किंवा भयभीत होऊ नये. वैद्यकीय सल्ल्यानुसार पुढील काही दिवस तपासणी, उपचार आणि विश्रांती घेत आहे.

- बाळू धानोरकर, खासदार

"