*धोपटाळा ग्रा. प. च्या समस्या सोडविण्यासाठी आमदार सुभाष धोटेंची वेकोली अधिकाऱ्यांसोबत बैठक*

*धोपटाळा ग्रा. प. च्या समस्या सोडविण्यासाठी आमदार सुभाष धोटेंची वेकोली अधिकाऱ्यांसोबत बैठक*

✍️दिनेश झाडे

चंद्रपूर जिल्हा प्रतिनिधी

राजुरा:-ग्रामपंचायत धोपटाळा येथील समस्या सोडविण्यासाठी आमदार सुभाष धोटे यांनी वेकोली बल्लारपूर क्षेत्राचे मुख्य महाप्रबंधक सब्यसाची डे यांच्या कार्यालयात बैठक घेऊन वेकोली अधिकाऱ्यांना ग्रामपंचायत धोपटाळा च्या वेकोली संदर्भात असलेल्या समस्या सोडविण्यासाठी अधिकाऱ्यांनी विशेष प्रयत्न करावे अशा सूचना केल्या. सदर बैठकीमध्ये धोपटाळा गावातील उन्हाळ्यातील पाणीटंचाई संदर्भात प्रश्न उपस्थित करण्यात आला त्यावर तोडगा म्हणून लवकरात लवकर टँकर सुरू करू. गावातली जिल्हा परीषद शाळेला ब्लास्टिंग मुळे क्षती पोहचत आहे. त्यामुळे त्या दुरुस्त करण्यात याव्यात. आंबेडकर चौकात सेड बांधकाम, गाव परिसरात बगीचा उभारणे, वेकोली कडून अजून पर्यंत ग्रामपंचायत धोपटाळा ला वेकोली वसाहतीचा कर प्राप्त झालेला नाही त्या कराचा भरणा करणे या संदर्भात चर्चा करण्यात आली.

 या प्रसंगी मुख्य महाप्रबंधक सव्यसाची डे, माजी नगराध्यक्ष अरुण धोटे, सरपंच मैनाबाई नन्नवरे , कृ उ बा स संचालक जगदीश बुटले, अंनता एकडे, उपसरपंच राजकुमार पाटील, ग्रा. प. सदस्य आकाश दासरी, श्रीधर राहूला, दीपक झाडे, प्रणाली जुलमे, दिपा बोंतला, रत्नकुमार बोंतला, संदीप ननावरे, नरसिंह भुपेली यासह गावातली महिला उपस्थित होत्या.