देवराव भोंगळे यांच्या शुभहस्ते साईनगर येथे हायमास्ट लाईटचे लोकार्पण संपन्न

घुग्घुस : येथील साईनगर वार्डातील हनुमान मंदिर परिसरात ,भाजपा जिल्हाध्यक्ष देवराव भोंगळे यांच्या पाठपुराव्यामुळे  हायमास्ट लाईट लावण्यात आले.

याप्रसंगी भाजपा जिल्हाध्यक्ष देवराव भोंगळे म्हणाले की घुग्घुस शहरात अनेक ठिकाणी विविध विकासकामे जोमात सुरु आहे. अनेक वार्डात हायमास्ट लाईट लावण्याचे काम युद्धपातळीवर सुरु आहे. उन्हाची तीव्रता वाढल्यामुळे हातपंपाची पाण्याची पातळी कमी झाली आहे. त्याअनुषंगाने सर्व हातपंपावर सौर ऊर्जेद्वारे चालणारे पंप लावण्यात येणार आहे. सौर ऊर्जेच्याद्वारे शहरात पाणी पुरवठा सुरु राहणार अशी यंत्रणा बसवण्यात येणार आहे. लवकरच शहर वासियांना पाणी पुरवठा करण्यासाठी अमृत योजनेचे काम सुरू करण्यात येणार आहे.

या प्रसंगी भाजयुमो प्रदेश उपाध्यक्ष विवेक बोढे, साजन गोहने, मस्के आबाजी, श्रीकांत डांगे, रुपेश भटवलकर, कवडू गिलबिले, राजू चटकी, शामराव जोगी, शिखरे सर, बुटले सर, देविदास वरवाडे, पिंपळकर आबाजी, रमेश जुनघरी, मधुकर घटे, रवींद्र ताजने, राहुल ढेंगळे, रुचित गिलबिले, कमलाबाई नवले, मस्के काकू, शोभाताई भटवलकर, संगीताताई वैद्य, चटकीताई इत्यादी नागरिक मोठ्या संख्येने उपस्थित होते.