*ग्रामीण गृहनिर्माण अभियंत्यांचे काम बंद आंदोलन* *मागील६ महिन्यांपासून मानधन नाही,असंवेदनशीलतेचा कळस*?

*ग्रामीण गृहनिर्माण अभियंत्यांचे काम बंद आंदोलन*

मागील६ महिन्यांपासून मानधन नाही,असंवेदनशीलतेचा कळस

*३योजनातंर्गत गोरगरिबांच्या घरकुलांचे कामे यावर्षी करायचे नाहीत काय?*

*गोरगरिबांना घरकुल योजनेपासून वंचित ठेवण्याचा प्रशासकीय यंत्रणेचा घाट आहे काय!*

✍️दिनेश झाडे

चंद्रपूर जिल्हा प्रतिनिधी

चंद्रपूर:-ग्रामीण गृहनिर्माण अभियंत्यांचे मागील सहा महिन्यांपासून मानधन मिळाले नाही.यामुळे त्यांना दैनंदिन व्यवहार करणे मुश्किल झाले आहे.

 याचबरोबर कुटुंबियांच्या व स्वतःच्या जीवनावश्यक मुलभूत गरजा वेळेवर भागविणे कठीण झाले आहे.विना रुपयांनी जगायचे कसे? व रुपये नसल्यामुळे दळणवळणाच्या व्यवस्थे अभावी घरकुलांसंबंधाचे कामे निकाली काढायचे कसे?हा गंभीर प्रश्न त्यांच्या पुढे उदभवला आहे.

 यामुळे सहा महिन्यांपासून थकीत असलेले मानधन मिळावे यासाठी ग्रामीण गृहनिर्माण अभियंत्यांनी १५ में पासून काम बंद आंदोलन सुरू केले आहे.

 चंद्रपूर जिल्ह्यातंर्गत ग्रामीण गृहनिर्माण अभियंता हे कामावर रुजू होणार नाही तोपर्यंत प्रधानमंत्री आवास योजना,सब्बरी आवास योजना,रमाई आवास योजना अंतर्गत घरकुलांची कामे पुर्ववत सुरू होणार नाही आणि नवीन घरकुल याद्यांना प्राधान्य क्रमाने मंजुरी मिळविता येणार नाही असे एकंदरीत चित्र आहे.

 गटविकास अधिकारी पंचायत समिती चिमूर यांच्यासह,चंद्रपूर जिल्हा परिषदचे मुख्य कार्यकारी अधिकारी व जिल्हा ग्रामीण विकास यंत्रणेचे प्रकल्प संचालक यांनी ग्रामीण गृहनिर्माण अभियंत्यांच्या आर्थिक गरजाकडे जातीने लक्ष देत त्यांचे सहा महिन्यांपासून थकीत असलेले मानधन तात्काळ द्यावे असी त्यांना लेखी पत्रव्यवहारा द्वारे विनंती