नकोडा व मुंगोली पूल दुचाकी करीता सुरू !

घुग्घुस काँग्रेस शहर अध्यक्ष: राजुरेड्डी यांच्या मागणीला यश

घुग्घूस : वर्धा नदीच्या नकोडा व मुंगोलीला जोडणारा पूल हा मागच्या वर्षी धोकादायक स्तिथीत आल्याने दुरुस्ती करिता बंद करण्यात आला.

हा पूल बंद झाल्या नंतर वेकोली तर्फे या पुलाच्या जवळच एक सिमेंट पाईप युक्त राफ्टर पूल निर्माण केला मागील दिवसात झालेल्या अवकाळी पावसाने सदर राफ्टर पूल हा दिनांक 03 मे रोजी वाहून गेला यामुळे मुंगोली, कैलास नगर व परिसरातील नागरिकांना, शेतकऱ्यांना,विद्यार्थ्यांना नकोडा - घुग्घुस येथे येण्या करीता जवळपास चाळीस किलोमीटर अंतर पार करून यावे लागत असल्याने नागरिकांना प्रचंड आर्थिक शारीरिक व मानसिक त्रास भोगावा लागत असल्याने तथा विद्यार्थ्यांचे शैक्षणिक नुकसान होत असल्याने घुग्घूस शहर काँग्रेस अध्यक्ष राजुरेड्डी यांनी दिनांक 04 मे 2023 रोजी तातळीने जिल्हाधिकारी यांना निवेदन देऊन मागील वर्षी दुरुस्ती करिता बंद केलेला पूल दुचाकी,पादचारी व छोट्या वाहना करिता सुरू करावे ही मागणी केली.

शासनाने मागणीची दखल घेत सदर पूल पादचारी व दुचाकी वाहनांसाठी आज 19 मे पासून सुरू करण्यात आल्याने नागरिकांनी सुटकेचे श्वास टाकले व अनेक नागरिकांनी रेड्डी यांच्या प्रति आभार व्यक्त केला