*सुसंस्कारीत मुलेच पुढे देशाचे भवितव्य घडवतील-आमदार सुभाष धोटे* *बाखर्डी येथील सुसंस्कार शिबीराला भेट देऊन वाढविले मुलांचे मनोबल*

*सुसंस्कारीत मुलेच पुढे देशाचे भवितव्य घडवतील-आमदार सुभाष धोटे*

बाखर्डी येथील सुसंस्कार शिबीराला भेट देऊन वाढविले मुलांचे मनोबल

✍️दिनेश झाडे

चंद्रपूर जिल्हा प्रतिनिधी

कोरपना  :-श्री गुरुदेव सेवा मंडळ बाखर्डी व श्री गुरुदेव राष्ट्रधर्म प्रचार समिती तालुका कोरपना यांच्या संयुक्त विद्यमाने श्री गुरुदेव सर्वांगीन सुसंस्कार शिबीराचे आयोजन जिल्हा परिषद हायस्कूल बाखर्डी येथे करण्यात आले आहे. लोकप्रिय आमदार सुभाष धोटे यांनी या शिबिराला भेट देऊन शिबीरात सहभागी मुलांचे मनोबल वाढविले. हे शिबीर दिनांक ०३ ते २२ मे २०२३ पर्यंत  चालणार असून शिबीराला उत्स्फूर्त प्रतिसाद मिळत आहे. शिबिरात विद्यार्थ्यांच्या बौध्दीक व आध्यात्मिक, सामाजिक विकासासाठी विविध उपक्रम राबविले जात आहेत, ध्यान, प्रार्थना, संगीत, शारीरिक कसरती, कराटे, योगासने घेण्यात येत आहेत.

       या प्रसंगी आमदार सुभाष धोटे यांनी विद्यार्थ्यांना मार्गदर्शन करताना सांगितले की, पंडित जवाहरलाल नेहरू म्हणाले होते आजचे मुलं उद्याचा भारत घडवतील. आज आपण त्यांना ज्या पद्धतीने वाढतोय त्याचा सकारात्मक परिणाम होऊन हिच सुसंस्कारित मुले पुढे देशाचे भवितव्य घडवतील म्हणूनच या सुसंस्कार शिबिरा मार्फत देशाचे भवितव्य घडविले जात आहे असे मी समजतो.

    या प्रसंगी कोरपना युवक काँग्रेसचे तालुकाध्यक्ष शैलेश लोखंडे, ह.भ.प. किन्नाके महाराज, रामदास तावाडे, खुशाल गोहोकार यासह सर्व शिबिरार्थी बालगोपाल उपस्थित होते.