*अवघ्या काही तासात हत्याकांडाचा खुलासा* *राहत्या घरी महिलेच्या हत्येचा आरोपीच निघाला भाडेकरू*

*अवघ्या काही तासात हत्याकांडाचा खुलासा*

राहत्या घरी महिलेच्या हत्येचा आरोपीच निघाला भाडेकरू

✍️दिनेश झाडे

चंद्रपूर जिल्हा प्रतिनिधी

चंद्रपूर :- राहत्या घरात एका 70 वर्षे महिलेची निर्घृण हत्या करण्यात आल्याने चंद्रपुरात खळबळ माजली होती.

घरात एकटीच राहणाऱ्या महिलेची निर्घृण हत्या झाली सदर घटना दिनांक 16 मे रोजी सायंकाळी आठ वाजताच्या दरम्यान उघडकीस आली

या हत्यामागचे कारण काय ? या अनुषंगाने पोलीस विभाग कसून तपास करीत होते, सर्व दिशेने तपास केल्यानंतर पोलिसांनी वेगळ्या पद्धतीने तपासाची दिशा फिरवली, यादरम्यान मारेकरी हा चोरी किंवा दरोडाच्या उद्देशाने हत्या झाली नसून ही हत्या आपसीवादातून घडल्याची पुढे आली आहे.

मारेकरी त्याच महिलेच्या घरी भाड्याने राहत असून वारंवार भाड्याची रक्कम मागण्यावरून रागाच्या आवेशात त्यानी हा बेत आखला आणि या 70 वर्षीय महिलेचा तिच्याच घरात जाऊन गळा आवळून हत्या केल्याचे निष्पन्न झाले. नगीनाबाग

आरोपी भाडेकरू अनुप सदानंद कोहपरे वय 26 वर्ष असे अटक करण्यात आलेल्या आरोपीचे नाव आहे.

स्थानिक गुन्हे शाखेच्या  पथकाने अवघ्या काही तासात आरोपीला ताब्यात घेतले असून त्याला पोलिसी खाक्या दाखवल्यावर त्याने गुन्हा कबूल केला आणि सदर हत्याकांड केल्याचे मान्य केले.

सदर कारवाई पोलीस अधीक्षक, अप्पर पोलीस अधीक्षक, स्थानिक गुन्हे शाखेचे पोलीस निरीक्षक महेश कोंडावार यांच्या मार्गदर्शनात पोलीस उपनिरीक्षक विनोद भुरले यांच्या नेतृत्वात स्थानिक गुन्हे शाखेच्या पथकाने केली आहे.