*अधिकारी, कर्मचाऱ्यांनी जनसेवेला सर्वोच्च प्राधान्य द्यावे -आमदार सुभाष धोटे* *कोरपना पंचायत समितीची वार्षिक आमसभा संपन्न*

*अधिकारी, कर्मचाऱ्यांनी जनसेवेला सर्वोच्च प्राधान्य द्यावे -आमदार सुभाष धोटे*

कोरपना पंचायत समितीची वार्षिक आमसभा संपन्न

✍️दिनेश झाडे

चंद्रपूर जिल्हा प्रतिनिधी

कोरपना :- कोरपना पंचायत समितीची वर्षे २०२२ - २०२३ ची वार्षिक आमसभा स्व वेणुताई संबाशिव झाडे सभागृह स्काॅलर सर्च अकॅडमी, कोरपना येथे सकाळी ११ वाजता लोकप्रिय आमदार सुभाष धोटे यांच्या अध्यक्षतेखाली संपन्न झाली. संत गाडगे बाबा आणि संत तुकोडोजी महाराज यांच्या प्रतिमेला पुष्पहार अर्पण करून दिपप्रज्वलन करून आमसभेला सुरूवात करण्यात आली.

       या प्रसंगी मुख्य लेखा कार्यकारी अधिकारी अशोक मातकर, उप मुख्य कार्यकारी अधिकारी संग्राम शिंदे, तहसीलदार विनोद डोनगावकर, शिक्षणाधिकारी प्राथमिक दिपेंद्रे लोखंडे, जेष्ठ काँग्रेस नेते तथा जिल्हा मध्यवर्ती बँकेचे संचालक विजयराव बावणे, तालुकाध्यक्ष उत्तमराव पेचे, माजी सभापती श्यामभाऊ रणदिवे, माजी उपसभापती संभाजी कोवे, जेष्ठ नेते सुरेश मालेकर यासह अनेक मान्यवर उपस्थित होते.

या प्रसंगी आमदार सुभाष धोटे यांनी विविध विभागाच्या अधिकाऱ्यांकडून संबंधित विभागाची सविस्तर माहिती घेऊन त्यावर विविध ग्रामपंचायतीमधील वस्तूस्थिती, समस्या जाणून घेतल्या, आरोग्य विभाग व पशुवैद्यकीय विभागतील समस्या जाणून घेतल्या, नागरिकांच्या समस्या सोडविण्यासाठी सर्व विभागाच्या अधिकाऱ्यांनी काम करावे, शासकीय योजनांच्या लाभापासून कुणीही वंचित राहणार नाही याची काळजी घ्यावी, अधिकारी व कर्मचाऱ्यांनी मुख्यालयी राहून जनसेवेला सर्वोच्च प्राधान्य द्यावे अशा सूचना संबंधीत विभाग प्रमुखांना दिल्या.

      या प्रसंगी तालुका विद्युत विभाग, कृषी, वनविभाग, सार्वजनिक बांधकाम, ग्रामीण पाणीपुरवठा, आरोग्य, शिक्षण, शालेय पोषण, पशुसंवर्धन, पंचायत, समाज कल्याण, उमेद अभियान, स्वच्छ भारत अभियान, घरकुल, मनरेगा, परिवहन, जि. प उपविभाग, एकात्मिक बाल विकास, मृद व जलसंधारण, भुमी अभिलेख, राष्ट्रीय हत्तीरोग नियंत्रण, ग्रामीण जिवन्नोती अभियान इत्यादी अनेक विभागाचे अधिकारी, कर्मचारी, ग्रामपंचायत सरपंच, उपसरपंच, ग्रामसेवक उपस्थित होते.

      कार्यक्रमाचे प्रास्ताविक गटविकास अधिकारी विजय पेंदोर यांनी केले. संचालन शिक्षण विस्तार अधिकारी सचिन मालवी यांनी केले तर आभार प्रदर्शन गटशिक्षणाधिकारी रूपेश कांबळे यांनी केले.