*राजुरा कृ. उ. बा. समीतीवर काँगेसचा झेंडा* *काँग्रेसचे विकास देवाळकर सभापती तर भाजपचे संजय पावडे उपसभापती पदी बिनविरोध*

*राजुरा कृ. उ. बा. समीतीवर काँगेसचा झेंडा*

काँग्रेसचे विकास देवाळकर सभापती तर भाजपचे संजय पावडे उपसभापती पदी बिनविरोध

✍️दिनेश झाडे

चंद्रपूर जिल्हा प्रतिनिधी

चंद्रपूर/राजुरा :-राजुरा कृषी उत्पन्न बाजार समितीच्या सभापती आणि उपसभापती पदासाठी आज संपन्न झालेल्या निवडणुकीत काँग्रेसचे विकास देवाळकर यांची सभापती तर भाजपचे संजय पावडे यांची उपाध्यक्ष म्हणून बिनविरोध निवड करण्यात आली. राजुरा कृषी उत्पन्न बाजार समितीवर मागील अनेक वर्षांपासून प्रस्तापित असलेल्या शेतकरी संघटनेचा दणदणीत पराभव करून काँग्रेसने येथे शेतकरी परिवर्तन पॅनल च्या माध्यमातून आपला झेंडा रोवला आहे.

 राजुरा कृषी उत्पन्न बाजार समितीवर सभापती म्हणून काँग्रेसचे विकास माधव देवाळकर यांची बिनविरोध निवड झाल्याबद्दल लोकप्रिय आमदार सुभाष धोटे यांनी आपल्या जनसंपर्क कार्यालयात त्यांचा विशेष सत्कार व अभिनंदन केले. या प्रसंगी राजुराचे माजी नगराध्यक्ष अरुण धोटे, काँग्रेसचे तालुकाध्यक्ष रंजन लांडे, माजी उपनगराध्यक्ष सुनील देशपांडे, शंकर बोंकुर, शंकर गोनेलवार, अभिजित धोटे, सरपंच एड. रामभाऊ देवईकर, सुरेश पावडे, धनराज चिंचोलकर, कवडू सातपुते, इर्शाद शेख यासह अनेक मान्यवर उपस्थित होते.

 राजुरा कृषी उत्पन्न बाजार समिती चे नवनियुक्त सभापती, उपसभापती व काँग्रेस समर्पित शेतकरी परिवर्तन पॅनलचे अॅड. अरूण मुरलीधर धोटे, उमाकांत मनोहर धांडे, विनोद गजानन झाडे, आशिष दिलीप नलगे, सरिता अजय रेड्डी, तिरुपती मल्लया इंदूरवार, जगदीश रामप्रसाद बुटले, लहु काशिनाथ बोंडे, गोपाल नारायण झवर, सतिश लक्ष्मण कोमरवेल्लीवार, विठ्ठाबाई हरिदास झाडे, राकेश श्रीरंग हिंगाने, नवनाथ अंबादास पिंगे यासह सर्व नवनिर्वाचित संचालकांचेही सर्व स्तरातील मान्यवरांकडून अभिनंदन करण्यात येत आहे.