*इन्फंट कॉन्व्हेंट चा राजेंद्र लांडे राजुरा तालुक्यातून प्रथम* *दहावी सीबीएसई निकालात इन्फंट कान्व्हेंटची उत्कृष्ट कामगिरी*

*इन्फंट कॉन्व्हेंट चा राजेंद्र लांडे राजुरा तालुक्यातून प्रथम*

*दहावी सीबीएसई निकालात इन्फंट कान्व्हेंटची उत्कृष्ट कामगिरी*

✍️दिनेश झाडे

चंद्रपूर जिल्हा प्रतिनिधी

चंद्रपूर/राजुरा :-दिनांक १२ में २०२३ रोजी इयत्ता दहावी सीबीएसई बोर्डाच्या जाहीर झालेल्या निकालात इन्फट जिसस इंग्लिश पब्लिक हायस्कूल राजुराच्या विद्यार्थ्यांनी भरीव कामगिरी करीत बाजी मारली असून उत्कृष्ट निकाल देण्याची परंपरा इन्फटने कायम राखली आहे.

 या निकालात राजेंद्र रंजन लांडे ने ९६. ६ % गुण घेऊन राजुरा तालुक्यातून प्रथम तर सुजल प्रेमनाथ परसुटकर ने ९५. २ % गुण मिळवून तालुक्यातून द्वितीय क्रमांक पटकावला. युगांत नितीन मून ने ९३ % गुण घेत शाळेतून तृतीय क्रमांक पटकाविला आहे. शैक्षणिक सत्र सन २०२२ - २०२३ या वर्षी इयत्ता दहावी सीबीएसई च्या परिक्षेसाठी एकूण ४४ विद्यार्थी परिक्षेला बसले होते. १९ विद्यार्थी डिस्टींक्शन मध्ये तर उर्वरित विद्यार्थी उत्तम गुणांसह उत्तीर्ण झाले आहेत.

        विद्यार्थ्यांच्या या कामगिरी व यशाबद्दल विद्यार्थी, शिक्षक व कर्मचारी वृंदांचे आमदार तथा इन्फट जिसस सोसायटीचे अध्यक्ष आमदार सुभाष धोटे,  संस्थेचे सचिव तथा नगराध्यक्ष अरुण धोटे, शाळेचे संचालक अभिजित धोटे, सीबीएसई शाखेच्या मुख्याध्यापक रफिक अन्सारी, स्टेट शाखेच्या मुख्याध्यापिका सिमरनकौर भंगू यासह सर्व शिक्षक, शिक्षकेतर कर्मचारी यांनी अभिनंदन केले आहे.