*कुत्राच तो भुंकला म्हणून काय झाले?*

*कुत्राच तो भुंकला म्हणून काय झाले?*

*अरे भाऊ !*

*हे तू कसे विसरलास*

*आणि विचलत झालास ?*

*परावलंबी, बांडगूळ कुत्राच तो*

*भुंकला म्हणून काय झाले?*

*मालकाप्रती ईमानदार व चौकस ?*

*हे दाखवून देण्याची घाई झाल्याने*

*आगंतुकावर धावून जाणे*

*भुंकण्याची आतिशबाजी, चापलुशी करणे*

*कुत्र्याचा गुणधर्म आहे |*

*ईमानदारी, स्वामिनिष्ठता ?*

*दाखविण्याचे हे एक मर्म आहे ||*

*कुत्रा भुंकला की मालकही खुष*

*आपल्या खाल्ल्या अन्नाला,*

*दवा दारूला जागला म्हणून |*

*आणि समोरच्याला पोकळ ताकिद*

*कुत्राच का असेना*

*संरक्षाची फौज असल्याचे*

*दाखवून दिले म्हणून ||*

*भुंकताना लाडिकपणे दटावताच*

*कुई कुई करत शेपटी हलवणे हे*

*गर्वाने कुत्रा नियंत्रणात*

*असल्याचे मालकही खात्री करतो |*

*सांगकाम्या असतात म्हणून*

*मुखंड होयबा कुत्र्यांवर फुका गर्व करतों ||*

*मित्रा ! भुंकणारा कुत्रा चावत नाही |*

*साधे वाकल्यासारखे केले तरी*

*गांडीला पाय लावून*

*घाबरून पळून जाण्याची करते घाई ||*

*कुत्र्याला मालकच नाही*

*कोणीही हाडकाची लालुच दाखवताच*

*भुंकण्याची आतिषबाजी विसरून*

*लाळघाट्या, लालची कुत्रा*

*कुणा समोरही होतो लट्टू  |*

*आखीर तो भाड्याचाच तट्टू  ||*

*बळकावलेल्या आयत्या*

*सत्ता संपत्तीमुळे कलंकित*

*झालेला ढोंगी मुखंड सतत दहशतीखाली*

*संरक्षणासाठी सतत कुत्र्याच्या गराड्यात*

*बेगडी रुबाबात असतो |*

*येणाऱ्या हरेक निष्ठावान सैनिकांत सुद्धा त्याला*

*त्याचे आसन डळमळीत करणारे*

*हपापाचा माल गपापाच दिसतो ||*

*भाकरी पुरती चाकरी करणाऱ्यांना*

*काय माहित एक एक निष्ठावान स्वाभिमानी*

*छप्पनला भारी पडते म्हणून? |*

*धडा वेगळे शिर झाले तरी यांच्यातील*

*स्वाभिमानी जयभीमचा हुंकारच*

*येणाऱ्या पिढीला चेतवित असते म्हणून ||*

*लक्षात ठेव भावा !*

*तु तर जिंकण्याच्या तयारीनेच*

*युद्धात उतरला आहे |*

*तुला लक्ष्य नाही रणनीती बदलायची आहे ||*

*तुझ्यावर भुंकून येणारे कुत्रे*

*आणि त्यांचे ऐतखाऊ पाठीराखे*

*मुखंडही दुर्लक्षित केले तरी चालेल*

*ते तुझे लक्ष्य नाही |*

*माणूस म्हणून जगण्यासाठी दिलेल्या*

*प्रमाणित विनयपीठ*

*आणि बापाची सांघिक संघटनशक्ती*

*"सबुरि"पेक्षा कोणी श्रेष्ठ नाही ||*

(सबुरि = स- समता सैनिक दल, दी बुद्धीस्ट सोसायटी आॉफ इंडिया आणि रिपब्लिकन पार्टी ऑफ इंडिया)

- अशोककुमार उमरे, 8698842402

"निळाई" सिद्धार्थ विहार, गडचांदूर त कोरपना जि चंद्रपूर

ता. १००५२०२३