घुग्घुस बसस्थानक लवकरच सुरू होणार!

प्रगतिपथावरील कामाची भाजपा जिल्हाध्यक्ष देवराव भोंगळे यांच्याकडून पाहणी..

घुग्घुस, दि. ०९ मे

अंतीम टप्प्यातील बांधकाम जवळपास पुर्ण होत आलेल्या घुग्घुस येथील नविन बसस्थानकाची आज सकाळी भाजपा जिल्हाध्यक्ष देवराव भोंगळे यांनी महामंडळाचे विभागीय अधिकारी आणि स्थानिक भाजपा पदाधिकाऱ्यांसह पाहणी केली.

सर्व सोयीसुविधांनी सुसज्ज अशा घुग्घुस बसस्थानकाचे काम प्रगतीपथावर असून साधरणत: एका महिन्याच्या आत हे काम पुर्ण होईल आणि त्यानंतर लवकरच घुग्घुस बसस्थानक प्रवाशांच्या सेवेत रुजू होईल.

जिल्ह्याचे पालकमंत्री ना. सुधीर मुनगंटीवार राज्याचे अर्थमंत्री असताना सन २०१८-१९ च्या अर्थसंकल्पात घुग्घुससाठी नविन बसस्थानक इमारतीच्या बांधकामासाठी त्यांनी तरतूद केली होती. त्यातूनच हे सुसज्ज असे बसस्थानक बांधून तयार होते आहे.

पाहणी दरम्यान, भाजयुमो प्रदेश उपाध्यक्ष विवेक बोढे, माजी पं. स. उपसभापती निरीक्षण तांड्रा, विभागीय नियंत्रक स्मिता सुतवने,  विभागीय वाहतुक अधिकारी पुरुषोत्तम व्यवहारे, विभागीय स्थापत्य अभियंता राहुल मोडक, विद्युत अभियंता आकार दुधे, भाजपाचे सिनू इसारप, मल्लेश बल्ला, ऑटो युनियनचे अध्यक्ष सिनू सुद्दाला, दिपक खुटेमाटे, मनीष काळे, रामू बहुराशी, मंगेश रामटेके, बंडू सातपुते, विलास धोटे, सुरज सातपुते, गणेश मांदाळे, व्यापारी आघाडीचे राजू वावरे, शंकर कटकुरवार, उत्तम उपरे, मनोहर सावजी, संतोष लोखंडे, श्रीराम कामटे यांची प्रामुख्याने उपस्थिती होती.