घुग्घुस ते नकोडा - मुंगोली वर्धा पूल दुचाकी व छोटया वाहनांसाठी सुरू करा : राजुरेड्डी

जिल्हाधीस यांना निवेदनातून मागणी

घुग्घूस :  शहरा जवळीला नकोडा ते मुंगोली गावाला जोडणारा वर्धा नदीचा कच्चा पूल काल सांयकाळी अवकाळी पावसामुळे वाहून गेल्याने नागरीकांना प्रचंड गैरसोयीचा सामना करावा लागणार आहे

गेल्या वर्ष भरापासून बंद असलेला सिमेंट काँक्रीट पूल तातळीने दुरुस्ती करून दुचाकी व छोट्या वाहनांसाठी शुरू करावी अशी मागणी काँग्रेस अध्यक्ष राजुरेड्डी यांनी जिल्हाधिकारी यांना निवेदनातून केली आहे

घुग्घूस शहरा जवळील नकोडा व मुंगोली या चंद्रपूर व यवतमाळ जिल्ह्यांना जोडणारा पूल गेल्यावर्षी वेकोलीच्या जडवाहणाच्या क्षमतेपेक्षा जास्त भाराच्या वाहतुकीमुळे क्षतीग्रस्त झाला यामुळे सदर पुलाला बंद करण्यात आले मात्र एक वर्ष लोटून ही या पुलाला दुरुस्त करून सुरू करण्यात आले नाही

सार्वजनिक बांधकाम विभागाच्या बेजवाबदारपणाचा दंड सामान्य नागरिकांना भोगावा लागत आहे.

सदर पूल बंद होताच वेकोलीने आपल्या कोळसा वाहतुकी करिता नदी पात्रात सिमेंट पाईप टाकून राफ्टर पूल निर्माण केला व याच पुलावरून गेली आठ ते दहा महिन्यापासून परिसरातील शेकडो गावातील वेकोली कर्मचारी,शेतकरी, शालेय विद्यार्थी आवागमन करीत होते.

मात्र गेल्या आठवड्या भरापासून होत असलेल्या अवकाळी पावसाने काल दिनांक 03 मे रोजी सांयकाळी 07 वाजता सदर पूल वाहून गेला आहे.

यामुळे परिसरातील नागरिकांना नकोडा,घुग्घुस,चंद्रपूर येथे जाण्यासाठी जवळपास चाळीस ते पन्नास किलोमीटर अंतराचा फेरा घालावा लागतो वैद्यकीय उपचारासाठी इतका मोठा फेरा हे नागरिकांच्या जीवनाशी सरळ सरळ खेळ करण्यासारखाच आहे

याशिवाय शालेय विद्यार्थी हे इतका लांब पल्ला गाठून शिक्षण घेणे हे शक्यच नाही

करिता कृपया सदर पूल हा दुचाकी व छोटया वाहनांसाठी त्वरित सुरू करावी निर्धारित केलेले वाहनच जातील इतकाच मार्ग खुला ठेवून अन्य जागेतून मोठे व जड वाहन जाणार नाही यासाठी लोखंडी खांब लावून बंद करण्यात यावा अशी मागणी रेड्डी यांनी निवेदनातून केली आहे