घुग्गुस शहरातील बसस्टँड परिसरात सट्टापट्टी लावणाऱ्या दोघांना पोलिसांनी केली अटक

घुग्गुस शहरातील बसस्टँड परिसरात सट्टापट्टी लावणाऱ्या  दोन आरोपींना घुग्गुस पोलिसांनी अटक केली आहे.यावेळीआरोपींकडून 3 हजार 40 रुपयांचा मुद्देमाल पोलिसांनी जप्त केला आहे. काणीपा कांबळे, सदाशिव मांढरे असे जुगाऱ्यांचे नाव आहे.

घुग्गुस शहरातील बसस्टँड परिसरात सार्वजनिक ठिकाणी लोकांकडून पैसे घेऊन सट्टापट्टी लावल्या जात असल्याची माहिती घुग्गुस पोलिसांना मिळाली होती.त्या माहितीच्या आधारे पोलिसांनी सापळा रचून दोघांना ताब्यात घेतले.यावेळी आरोपींची कसून चौकशी केली असता आरोपींनी सट्टापट्टीचा जुगार खेळत असल्याची माहिती दिली.यावेळी दोन्ही आरोपींना पोलिसांनी अटक केली आहे.

ही कारवाई पोलीस निरीक्षक आसिफरजा शेख यांच्या मार्गदर्शनाखाली गुन्हे शोध पथकाचे पोलीस उपनिरीक्षक गौरीशंकर आमटे, महेंद्र बुजाडे, रणजित भुरसे, नितीन मराठे, सचिन वासाडे आदींनी केली आहे.