भूक, भय व दास्यमुक्त वैश्विक विचारधारा नष्ट करायची नसेल तर विश्ववंदनीय बाबासाहेबांच्या आदर्श आणि प्रेरणादायी संघटनेच्या घरट्यात परतूनी या असेआवाहन अशोक कुमार उमरे, रिपब्लिकन चळवळीचे प्रचारक

भूक, भय व दास्यमुक्त वैश्विक विचारधारा नष्ट करायची नसेल तर विश्ववंदनीय बाबासाहेबांच्या आदर्श आणि प्रेरणादायी संघटनेच्या घरट्यात परतूनी या

असेआवाहन अशोक कुमार उमरे, रिपब्लिकन चळवळीचे  प्रचारक

✍️दिनेश झाडे

चंद्रपूर जिल्हा प्रतिनिधी

गडचांदुर:-बाबासाहेबांची संघटनात्मक वैचारिकता रिपब्लिकन पार्टी ऑफ इंडिया, समता सैनिक दल आणि दी बुद्धीस्ट सोसायटी आॉफ इंडिया याच पक्ष संघटनेत आहेत. भूक, भय व दास्यमुक्त वैश्विक विचारधारा नष्ट करायची नसेल दूर तर विश्ववंदनीय बाबासाहेबांच्या आदर्श आणि प्रेरणादायी संघटनेच्या घरट्यात परतूनी या. असै भावनिकतेची कळकळीची विनंती रिपब्लिकन चळवळीचे प्रसिद्ध प्रचारक अशोककुमार उमरे यांनी मौजा सावंगी संगम तहसील चांदूर रेल्वे जि. अमरावती येथे दिनांक १४ एप्रिल २०२३ रोजी महामानव डॉ बाबासाहेब आंबेडकर यांच्या जयंतीनिमित्त आयोजित व्याख्यानात बोलतानी व्यक्त केले. पंकजभाऊ शिंदे यांच्या अध्यक्षतेखाली झालेल्या व्याख्यान विचारपीठावर माजी सरपंच सुनील राऊत, शुभांगी दा. राऊत, नंदु जुबळे इत्यादी होते.

उमरे पुढे म्हणाले, बाबासाहेब म्हणतात_ आपल्या समाजातील पुढाऱ्यांवर अत्यंत मोठी जबाबदारी आहे. आपल्याला राजकीय सत्ता मिळाल्याशिवाय आपला सामाजिक व धार्मिक उद्धार होणे अशक्य आहे. आपला जो नाश झाला आहे, आपण आज हजारो वर्षे खितपत पडलो आहोत याचे कारण आपणांस राजकीय सत्ता नव्हती. ही सत्ता आपण मिळविली पाहिजे. राजकीय सत्ता ही अजब शक्ती आहे. आपल्या समाजात आपापसात फार मतभेद आहेत. आपापसातील मतभेद नाहिसे करा... एक गुण फार महत्त्वाचा, तो म्हणजे *बहुमताने ठरलेले सर्व मान्य करणे,* ही कृती राजकारणात फार आवश्यक आहे. माझ्या मताप्रमाणे जर कारभार चालला तर मी संस्थेत राहिल अशा प्रवृत्ती फार वाईट. राजकारणात भांडणे होतात ती विरून जाण्याची सवय ठेवली पाहिजे. असे विविध प्रकारचे बाबासाहेबांच्या विचारांचे दाखले देऊन व बाबासाहेबांच्या संघटनेची संघटनशक्ती बळकट करण्यासाठी आपले विचार व्यक्त केले.

महामानव डॉ बाबासाहेब आंबेडकर आणि तथागत बुद्ध यांना अभिवादन करून सकाळी १० वाजता व्याख्यानाच्या कार्यक्रमाला सुरुवात करण्यात आली.

कार्यक्रमाचे सूत्रसंचालन निखिल राऊत प्रास्ताविक शुभांगी राऊत आणि आभार प्रदर्शन नागेश्वर राऊत यांनी मानले.

जयंती कार्यक्रमाच्या निमित्ताने रिपब्लिकन चळवळीच्या जागृतीचा एक भाग म्हणून *रिपब्लिकन पार्टी ऑफ इंडियाचे संविधान आणि डॉ बाबासाहेब आंबेडकर यांनी स्थापन केलेल्या रिपब्लिकन पार्टी ऑफ इंडिया या पक्षात सामील होण्यासाठी बाबासाहेबांनी आवाहन केलेले प्रमाणप्रत्र उपासिका आणि उपासक यांना भेट देण्यात आले.

कार्यक्रमास नागेश्वर राऊत, किशोर राऊत, दादाराव राऊत, रमेश चौधरी, बाळकृष्ण राऊत, सुनील र. राऊत, राजकुमार मेश्राम, शरद राऊत, संजय सवाई, सुनिता दा. राऊत, ज्योती राऊत, रेखा शं. राऊत, पार्वती दिलीप हरणे, वनिता नि. राऊत, प्रिती कि. राऊत, अस्मिता डोंगरे, दिपाली नि. राऊत, छाया राऊत, कल्पना मेश्राम, शीला सवाई, आरोशी सवाई, सानिया हरणे इत्यादींनी हजर कार्यक्रम यशस्वी करण्यासाठी परिश्रम घेतले.

कार्यक्रमाचा समारोप सामुहिक भोजन व बाबासाहेबांच्या प्रतिमांच्या मिरवणुकीने करण्यात आला.