बाबूपेठ येथील नाल्यात बुडून मृत्यू झालेल्या मुलाचा बचाव पथकाने मृतदेह काढला पाण्याबाहेर

चंद्रपुर शहरातील बाबूपेठ परिसरात असलेल्या सिद्धार्थ नगर वार्डातील नाल्यात पोहण्यासाठी गेलेल्या मुलाचा नाल्यात बुडून मृत्यू झाल्याची धक्कादायक घटना शनिवारी दुपारी उघडकीस आली होती. त्यानंतर रामनगर पोलिसांनी शोधमोहीम राबविली असता मुलाचा मृतदेह आढळून आला नव्हता दरम्यान चंद्रपुर बचाव पथकाने आज रविवारी सकाळी शोधमोहीम राबवून मुलाचा मृतदेह पाण्याबाहेर काढला आहे.श्रावण हिवरकर असे 14 वर्षीय मृत मुलाचे नाव आहे.

बाबूपेठ परिसरात असलेल्या सिद्धार्थ नगर वार्डातील नाल्यात तीन मुलं पोहण्यासाठी गेले होते.मात्र श्रावण हिवरकर हा पाण्यात बुडाला. त्यानंतर इतर दोन मुलांनी या घटनेची माहिती घरचांना दिली असता तात्काळ घटनास्थळी धाव घेतली.तसेच पोलिसांना याबाबत माहिती दिली.पोलिसांनी शनिवारी दिवसभर शोधमोहीम राबविली मात्र श्रावण याचा मृतदेह आढळून आला नाही.त्यानंतर रविवारी चंद्रपुर बचाव पथकाने बोटीच्या साहाय्याने श्रावण याचा मृतदेह पाण्याबाहेर काढला आहे. ही कारवाई पोलीस अधीक्षक रवींद्रसिंग परदेशी यांच्या मार्गदर्शनाखाली रेस्क्यू पथकाचे अशोक गरगेलवार, दिलीप चौहान, नक्षणे,उमेश वनकर,बाहे, मंगेश मत्ते अतुल चहारे, मोरेश्वर खेडेकर, उमेश मोगरे आदींनी केली आहे.