डॉ. बाबासाहेब आंबेडकरांचे विचार हे भारतीय लोकशाहीचे प्राण : राजुरेड्डी

14 एप्रिल जयंती दिनी काँग्रेस तर्फे आदरांजली अर्पित

घुग्घूस : भारतीय राज्य घटनेचे शिल्पकार देशाचे प्रथम कायदेमंत्री दिन दलित कष्टकरी  महिला व समाजातील वंचित घटकांना सामाजिक न्याय मिळवून देण्यासाठी संपूर्ण आयुष्य खर्ची घालणारे क्रांतिसूर्य डॉ. बाबासाहेब भिमराव आंबेडकर यांची 14 एप्रिल रोजी 132 वी जयंती भारता सह संपूर्ण जगात मोठया उत्साहाने साजरी करण्यात येत आहे.

आज शहरातील काँग्रेस कार्यलयात डॉ. बाबासाहेब आंबेडकर यांच्या प्रतिमेस सामाजिक चळवळीतील नेते अनिरुद्ध आवळे यांच्या हस्ते माल्यार्पण करून करण्यात आले.

सदर कार्यक्रम काँग्रेस अध्यक्ष राजुरेड्डी यांच्या वतीने करण्यात आले.

आपले विचार मांडताना रेड्डी म्हणाले की बाबासाहेबांची महती ही शब्दात व्यक्त करतात येऊ शकत नाही.

त्यांचे विचार हे भारतीय लोकशाहीचे प्राण असून या लोकशाहीचे संरक्षण करणे संविधानाचे रक्षण करणे हीच बाबासाहेबांना खरी आदरांजली आहे.

याप्रसंगी काँग्रेस नेते शेख शमीउद्दीन, किशोर बोबडे,सुधाकर बांदूरकर,अलीम शेख,रोशन दंतलवार,सुनिल पाटील,देव भंडारी, अमित सावरकर,रंजित राखुंडे, अंकुश सपाटे व अन्य पदाधिकारी उपस्थित होते