चिचोली घाटावरून अवैध रेती तस्करी करणारे सहा ट्रॅक्टर पकडले, नायब तहसीलदारांची कारवाई

घुग्घुस;

चंद्रपुर तालुक्यातील घुग्गुस जवळील चिचोली घाटावरून अवैध रेती तस्करी करणारे सहा ट्रॅक्टरवर नायब तहसीलदार सचिन खंडारे यांनी कारवाई केली आहे.दरम्यान जप्त केलेले ट्रॅक्टर तहसील कार्यालयात जमा करण्यात आले असून दंडात्मक कारवाई करण्यात आली.

मागील अनेक दिवसांपासून रेती तस्करांनी चिचोली घाटावर धुमाकूळ घालत रेतीची अवैध तस्करी सुरू केली. मंगळवारी रात्रीच्या सुमारास चिचोली रेती घाटावरून अवैध रेतीची वाहतूक होत असल्याची माहिती नायब तहसीलदार सचिन खंडारे यांना मिळाली होती.त्यानंतर सचिन खंडारे यांनी आपल्या चमुसह घटनास्थळी दाखल होऊन रेती तस्करी करणाऱ्या सहा ट्रॅक्टरवर कारवाई केली.जप्त केलेले ट्रॅक्टर तहसील कार्यालयात जमा करण्यात आले असून दंडात्मक कारवाई करण्यात आली.