सुदृढ समाज निर्मितीसाठी संतांच्या प्रबोधनाची आवश्यकता : आमदार सुभाष धोटे. कन्हाळगांव येथे श्रीभाद् भागवत कथा ज्ञानयज्ञ सप्ताहाचे आ. सुभाष धोटेंच्या हस्ते उद्घाटन

सुदृढ समाज निर्मितीसाठी संतांच्या प्रबोधनाची आवश्यकता : आमदार सुभाष धोटे.

कन्हाळगांव येथे श्रीभाद् भागवत कथा ज्ञानयज्ञ सप्ताहाचे आ. सुभाष धोटेंच्या हस्ते उद्घाटन

✍️दिनेश झाडे

चंद्रपूर जिल्हा प्रतिनिधी

कोरपना :-- कोरपना तालुक्यातील मौजा कन्हाळगांव येथे हनुमान जयंतीच्या पावन पर्वावर श्रीभाद् भागवत कथा ज्ञानयज्ञ सप्ताहाचे आयोजन हनुमान देवस्थान कन्हाळगांव येथे करण्यात आले. या सप्ताहासाठी परमपूज्य बालयोगी आचार्य भागवत स्वामी गजेंद्रजी चैतन्यजी महाराज, लहरी बाबा संस्थान श्रीक्षेत्र मदापुरे जिल्हा अकोला व त्यांचे सहकारी स्वामी नारायण दत्त महाराज यांचे प्रवचन व कीर्तनाचे आयोजन करण्यात आले आहे. या सप्ताहाचे उद्घाटन लोकप्रीय आमदार सुभाष धोटे यांच्या हस्ते करण्यात आले.

 या प्रसंगी उद्घाटनपर मार्गदर्शन करताना लोकप्रिय आमदार सुभाष धोटे यांनी सांगितले की, सुदृढ समाज निर्मितीसाठी संत समाज आणि प्रबोधनकार यांची आजच्या काळात खूप आवश्यकता आहे. समाजातील संयुक्त कुटुंब पद्धतीला तडे पडत असल्याने माणसा माणसात द्वेषाचे भाव वाढीस लागले आहेत त्यामुळे समाजातील व्यक्तीने आदर्श जीवन कसे जगावे, सहसंबंध कसे जपावे, भौतिक व आध्यात्मिक प्रगती कशी करावी याचे प्रबोधन आचार्य भगवान गजेंद्र चैतन्य जी महाराज करतील. या सप्ताहाचा सर्वांनी लाभ घ्यावा असे आवाहन केले.

      या प्रसंगी आमदार सुभाष धोटे, माजी आमदार वामनराव चटप, जेष्ठ काँग्रेस नेते तथा जिल्हा मध्यवर्ती बँकेचे संचालक विजयराव बावणे, काँग्रेस तालुकाध्यक्ष उत्तमराव पेचे, सरपंच सुरेखा नवले, माजी सभापती नीलकंठ कोरांगे, माजी उपसभापती संभाजी कोवे, माजी सभापती सुरेश मालेकर, रमांकत मालेकर, अरुण नवले, नंदू गज्जलवार, सुनील बावणे, रत्नाकर चटप, विनोद नवले, तमुस अध्यक्ष मनोहर बावणे, डॉ. परचाके यासह समस्त गावकरी उपस्थित होते.