आमदार सुभाष धोटेंच्या हस्ते १.४० कोटींच्या विकासकामांचे भूमिपूजन व लोकार्पण.

आमदार सुभाष धोटेंच्या हस्ते १.४० कोटींच्या विकासकामांचे भूमिपूजन व लोकार्पण.  

✍️दिनेश झाडे

 चंद्रपूर जिल्हा प्रतिनिधी

कोरपना :-- लोकप्रिय आमदार सुभाष धोटे यांच्या प्रयत्नाने मंजूर करण्यात आलेल्या कोरपना तालुक्यात १ कोटी ४० लक्ष रुपयांच्या विविध विकासकामांचे भूमिपूजन व लोकार्पण आ. सुभाष धोटे यांच्या हस्ते करण्यात आले.

यामध्ये मौजा येरागव्हण येथे जल जिवन मिशन अंतर्गत ग्रामीण नवीन पाणी पुरवठा योजना, किंमत रु ५२ लक्ष २२, नवीन ग्राम पंचायत ईमारत बांधकाम करणे, किंमत रू २० लक्ष, जिल्हा परिषद शाळेची खोली बांधकाम करणे किंमत १० लक्ष, मौजा बोरगांव येथे नवीन अंगणवाडी ईमारत बांधकाम करणे रू 8 लक्ष, जल जीवन मिशन अंतर्गत मौजा कमलापुर येथे नवीन पाणीपुरवठा योजना किंमत रू ४५ लक्ष ८४ हजार रुपयांच्या विविध विकासकामांचा समावेश आहे.

या प्रसंगी जेष्ठ नेते तथा जिल्हा मध्यवर्ती बँकेचे संचालक विजयराव बावणे, कोरपना काँग्रेसचे तालुकाध्यक्ष उत्तमराव पेचे, सरपंच प्रेमिला किन्नाके, माजी उपसभापती संभाजी कोवे, माजी जि प सदस्य सिताराम कोडापे, जेष्ठ नेते सुरेश पा मालेकर, भाऊराव चव्हाण, सतीश झाडे, संवर्ग विकास अधिकारी विजय पेंदाम, उपविभागीय अभियंता पाणी पुरवठा विभाग मुसणे, उपसरपंच रेणुका आडे, ग्राम पंचायत सदस्य विनोद पेंदोर, आदेश शेडमाके, रामेश्वर वेलादी, कवडू दुर्वे, गोदरू किन्नके, गाव पाटील शंकर कुळमेथे, गुलाब किन्नके यासह स्थानिक नागरिक मोठय़ा संख्येने उपस्थित होते.