घुग्घुस येथील ग्रामीण रुग्णालयाचे बांधकाम निधीअभावी रखडले

निधी उपलब्ध करून देण्याची सामाजिक कार्यकर्ते सिद्धीकी यांची मागणी

      घुग्घूस: चंद्रपुर तालुक्यातील अतिप्रदूषित शहर म्हणून घुग्घुसची ओळख आहे.प्रदूषणामुळे नागरिकांचे जगणे कठीण होत चालले असून नागरिकांच्या सोयीसुविधासाठी येथे ग्रामीण रुग्णालय मंजूर करण्यात आले.मात्र आता शासनाने निधी अडविला असून कंत्राटदाराने रुग्णालयाचे बांधकाम बंद केले आहे.त्यामुळं रखडलेला निधी तात्काळ देऊन रुग्णालयाचे काम लवकरात लवकर पूर्ण करून नागरिकांना दिलासा देण्याची मागणी सामाजिक कार्यकर्ते ईबादुल सिद्धीक्की यांनी केली आहे.

घुग्घुस शहरात मोठमोठे कारखाने असून मोठ्या प्रमाणात येथे प्रदूषण होत आहे.अशातच 9 जून 2014 ला घुग्घुस शहरात ग्रामीण रुग्णालय मंजूर करण्यात आले.2 डिसेंबर 2021 ला प्रत्यक्षात बांधकाम सुरू करण्यात आले.मात्र शासनाने कंत्राटदाराचे बिल थकविले व निधी अभावी रुग्णालयाचे बांधकाम रखडले आहे.त्यामुळे कंत्राटदाराचे बिल मंजूर करून रखडलेला निधी शासनाने तात्काळ द्यावा व रुग्णालयाचे बांधकाम लवकरात लवकर पूर्ण करून नागरिकांना दिलासा द्यावा अशी मागणी सामाजिक कार्यकर्ते ईबादुल सिद्धीक्की यांनी केली आहे.