१० वी वर्गाची परीक्षा देणाऱ्या विद्यार्थ्यांनी महाज्योती फ्री टॅब योजनेचा लाभ घ्यावा

भाजपा जिल्हाध्यक्ष देवराव भोंगळे यांचे आवाहन

  घुग्घुस: 10 वी वर्गाची परीक्षा देणाऱ्या विद्यार्थ्यांसाठी महाराष्ट्र शासनातर्फे महाज्योती फ्री टॅबलेट योजना सुरु करण्यात आली आहे. विद्यार्थ्यांनी महाज्योती फ्री टॅब योजनेचा लाभ घ्यावा असे आवाहन भाजपा जिल्हाध्यक्ष देवराव भोंगळे यांनी केले आहे.

आर्थिक परिस्थिती बिकट असणाऱ्या व पुढे विज्ञान शाखा घेऊन शिकण्याची तयारी असणाऱ्या (ओबीसी), (एसबीसी) व (एनटी) जातीच्या  वर्गातील विद्यार्थ्यांना फ्री टॅब व ६ जिबी रोज इंटरनेट डाटा नि:शुल्क पुरवण्यात येणार आहे.

जे विद्यार्थी सन-२०२३ मध्ये १० वी वर्गाची परीक्षा देत आहेत ते विद्यार्थी अर्ज करण्यास पात्र आहे.  ऑनलाईन अर्ज करण्याची शेवटची तारीख १० एप्रिल पर्यंत आहे.

नि:शुल्क अर्ज करण्यासाठी घुग्घुस येथील ना. सुधीरभाऊ मुनगंटीवार सेवा केंद्राशी संपर्क साधावा असे आवाहन भाजपा जिल्हाध्यक्ष देवराव भोंगळे यांनी केले आहे.