जिवती येथे तालुकास्तरीय आरोग्य जनसंवाद संपन्न

जिवती येथे तालुकास्तरीय आरोग्य जनसंवाद संपन्न

  ✍️दिनेश झाडे

 चंद्रपूर जिल्हा प्रतिनिधी

 7498975136

जिवती:- राष्ट्रीय आरोग्य अभियान, मातृ संस्था स्टापी पुणे व प्रकृती महिला विकास केंद्र चंद्रपूर द्वारा 'कम्युनिटी ॲक्शन फॉर हेल्थ' या कार्यक्रमांतर्गत *जिवती* येथे तालुकास्तरीय जनसंवादाचे आयोजन करण्यात आले.

जनसंवादात डॉ.अंकुश गोतावळे उपनगराध्यक्ष जिवती, सुदाम राठोड विदर्भवादी नेते, वि.एस.देवाळकर आरोग्य सहाय्यक प्रा.आ.केंद्र जिवती, दत्ताजी तोगरे समाजिक कार्यकर्ते, रुग्णसेवक जिवन तोगरे, निलेश देवतळे जिल्हा समन्वयक, अक्षय देशमुख जिल्हा क्षेत्र पर्यवेक्षक, तालुका समन्वयक संभाजी ढगे, मंगला घटे, शितल पाटील, तालुक्यातील सरपंच, ग्रा.पं.सदस्य, अं.सेविका, आशा वर्कर, ग्राम आरोग्य दूत, बचत गटातील महिला, सामाजिक कार्यकर्ते व ग्रामस्थ मोठ्या संख्येने उपस्थित होते.

 जनसंवादाचे प्रस्ताविक व भूमिका निलेश देवतळे यांनी केले, जनसंवाद कार्यक्रमाची पार्श्वभूमी अक्षय देशमुख यांनी मांडली तर डॉ. उपनगराध्यक्ष यांनी जनसंवाद कार्यक्रम प्रत्येक तालुक्यात घ्यायला पाहिजे जनसंवादातून बरेच प्रश्नाचे निराकरण होतात यामुळे नागरिकांना समाधान मिळते असे मनोगत व्यक्त केले.

सदर जनसंवाद कार्यक्रमात ग्रामस्थांनी गावातील व तालुक्यातील आरोग्य, रोजगार, स्वच्छता, शिक्षण, बांधकाम, संदर्भ सेवा, रस्ते, पाणी, बांधकाम, रिक्त पदे इत्यादी विविध विषयावरील प्रश्न उपस्थित केले.