सार्वजनिक बांधकाम अधिकारी व नगर परिषद अधिकाऱ्यांचा 'भंगार "शेड समोर फोटोशूट

घुग्घूस : शहरात पंतप्रधान खनिज निधी व पालकमंत्री सुधीर मुनगंटीवार यांच्या माध्यमातून कोट्यवधी रुपयांच्या निधीतून शहरात जवळपास दहा बाल उद्यानाची निर्मिती करण्यात आली व यांचे उदघाटन कोरोना काळात घाईघाईने मुनगंटीवार यांच्यातर्फे करण्यात आले होते.

मात्र जेम - तेम दोन - तीन वर्षातच या बगीच्यांचा भ्रष्टाचार उघडकीस येऊ लागला बगीच्यांचे निकृष्ट दर्जाचे साहित्य मोडकळीस येऊ लागले

असता भाजप पक्षाने दुरुस्तीचे मागणी केली व बगीचे दुरुस्त झाल्याचे बातम्या ही प्रकाशित केल्या मात्र कमिशन खोरीतून निर्माण झालेले हे बगीचे आठ दिवसात तिलक नगर,शिव नगर व सुभाष नगर येथील बगीचे कोसळले व यात एक शालेय विद्यार्थीनी गंभीर रित्या घायाळ झाली गेल्या अनेक दिवसांपासून शहरातील विविध राजकीय पक्ष या बगीच्यांचा घातक परिस्थितीकडे प्रशासनाचे लक्ष वेधण्याचा प्रयत्न करीत होते.

मात्र नागरिकांच्या व चिमुकल्याच्या जीवनाला धोकादायक असलेल्या बगीच्यांकडे साफ दुर्लक्ष करीत होते.

या बगीच्यांत एका निष्पाप मुलींचा जीव जाता - जाता वाचला व यानंतर सार्वजनिक बांधकाम विभाग चंद्रपूर व नगरपरिषद घुग्घुस कर्मचाऱ्यांचे डोळे उघडले व दिनांक 28मार्च रोजी सा.बां.विभाग उपकार्यकरी अभियंता अमर शेट्टीवार,न.प मुख्याधिकारी जीतेंद्र गादेवार यांनी बगीच्याची पाहणी केली.

व एका बगीच्यांचा शेड खाली उभे राहून फोटोशूट केले ती फोटो  झूम करून बघितल्यास भ्रष्टाचाराची व निकृष्ट कार्याची प्रचिती येते सदर शेडचा जिना हा  तुटलेल्या स्तिथीत असून बांबूचे पिल्लर उभे असलेल्या ठिकाणी फ्लोरिंग उखडलेल्या स्तिथीत आहे.

या बगीच्यांचे बांधकाम करणाऱ्या ठेकेदारावर कारवाई करण्या ऐवजी सा.बां विभाग हा वाचवा - वाचवीचा खेळ खेळत आहे

मात्र ये पब्लिक है ये सब जानती है