परसोडा येथील RCCPL मुकुटबन सिमेंट कंपनीला दिलेली लीज रद्द करा, गावकऱ्यांचे जिल्हाधिकाऱ्यांना निवेदन

चंद्रपुर : जिल्ह्यातील परसोडा येथील RCCPL मुकुटबन सिमेंट कंपनीला दिलेली लीज रद्द करा अशी मागणी गावकऱ्यांनी केली असून जिल्हाधिकाऱ्यांना निवेदन देण्यात आले आहे.परसोडा येथील ग्रामसभेत    

RCCPL मुकुटबन सिमेंट कंपनीला ग्रामपंचायतने उत्खननाचे काम सुरू करण्यासाठी लीज दिली होती.मात्र अटी व शर्तीचे पालन न करता दलाला मार्फत खरेदी केल्या प्रकरणी कंपनीला दिलेली लीज तात्काळ रद्द करावी अशी मागणी गावकऱ्यांनी केली आहे.तसा ठराव सुद्धा ग्रामसभेत मंजूर करण्यात आला आहे.

RCCPL मुकुटबन सिमेंट कंपनीला परसोडा ग्रामपंचायतने खोदकाम करण्याअगोदर गावाच्या विकासासाठी निधी उपलब्ध करून देणे, शेतकऱ्यांना 25 लाख रुपये एकर मोबदला देणे, एक सातबारा, एक नोकरी देणे, बेरोजगार युवकांना रोजगार देणे, जड वाहतूक, प्रदुषण कमी करणे आदी समस्यां सोडवण्यासाठी ग्रामपंचायत ने ठराव मंजूर केला होता.मात्र कंपनी प्रशासनाने अद्यापही गावातील नागरिकांच्या समस्या सोडविल्या नाही.उलट दलालांमार्फत शेतकऱ्यांच्या जमिनी घेऊन खोदकाम सुरू केले आहे.त्यामुळं ग्रामपंचायत ने दिलेली लीज रद्द करण्याचा ठराव ग्रामपंचायत ने घेतला असून चंद्रपुर चे जिल्हाधिकारी विनय गौडा याना तसे निवेदन पाठविण्यात आले आहे.