सावधान ! पाणी वाचवा नाही तर नळा ऐवजी डोळ्यात पाणी यायला वेळ लागणार नाही

घुग्घूस : पाणी हे मानवाचे जीवन आहे पाण्याशिवाय मानवीय जीवनाची कल्पनाच करू शकत नाही हे या सृष्टीला मिळालेला वरदान आहे अमृत आहे.

याचे संरक्षण होणे हे अत्यंत महत्त्वाचे आहे व या करिता 22 मार्च रोजी संपूर्ण जगात जागतिक जल संरक्षण दिन साजरा केल्या जातो.

याचा हेतू एवढाच की मानव प्राण्यांना जल संरक्षणासाठी जागरूक करता यावे.

आज देशात अनेक शहरात जलसंकट निर्माण झाले असून परिस्थितीत धोकादायक झाली आहे.

उन्हाळ्याची चाहूल लागली असून

महाराष्ट्रातील अनेक जिल्हे हे कोरडे दुष्काळाचा जीवघेणा त्रास भोगतात व शासनाला वॉटर टँकरची मदत घ्यावी लागते

घुग्घूस शहरात पाण्याची भीषण टंचाई असून उन्हाळ्यात पिण्याच्या पाण्यासाठी नागरिकांना वणवण भटकंती करावी लागते उष्णता (गरमी) इतकी भयावह असते की कूलर शिवाय पर्याय नसतो.

आता पिण्यासाठीच पाणी मिळत नसतांना कूलर मध्ये टाकायचे कुठून ?

नागरिकांची ही समस्या लक्षात घेत राजुरेड्डी नावाचा माणसातला देवदूत हा गेल्या अनेक वर्षांपासून  पाणी टंचाई दूर करण्यासाठी आपले अनेक वॉटर टॅंकर द्वारे नागरिकांना मोफत पाणी देत असतो एक माणूस आपली सामाजिक जवाबदारी पार पाडत असतांना नगरपरिषद जल संरक्षणासाठी गंभीर दिसत नाही.

शहरात अनेक ठिकाणी जलवाहिन्या लिकेज असून दररोज हजारो लिटर पाणी हा वाया जात असतो.

तसेच अनेक सार्वजनिक नळाला सोलर पंपाच्या नळाला व पाणी टंकीच्या नळाला तोट्या नसल्याने दररोज पाण्याची बरबादी होत आहे.

बस स्थानक परिसरातील हा बिन तोटीचा नळ केवळ झलक असून शहरात अनेक ठिकाणी हेच दृश्य आहे.

कृपया पाण्यासारख्या गंभीर प्रश्नावर नगरपरिषद प्रशासनाने ही गंभीर होने काळाची गरज आहे.

नाही तर नळा ऐवजी डोळ्याला पाणी यायला वेळ लागणार नाही