वडगाव ग्रामपंचायतीचा मनमानी कारभार पेसा ग्रामसभेने मंजूर केलेल्या ठरावाला केला ग्रामपंचायत उपसरपंच आणि सदस्यांनी विरोध

वडगाव ग्रामपंचायतीचा मनमानी कारभार

पेसा ग्रामसभेने मंजूर केलेल्या ठरावाला केला ग्रामपंचायत उपसरपंच आणि सदस्यांनी विरोध

✍️दिनेश झाडे

चंद्रपूर जिल्हा प्रतिनिधी

7498975136

कोरपना :- तालुक्यातील पेसा ग्रामपंचायत असलेली वडगाव येथे दि. 23/03/2023 रोजी येथे ग्रामसभेचे आयोजन करण्यात आले होते.

अंगणवाडी मदतनीस निवड करत असताना ग्रामसभेत सौ. मनीषा गणपत विंचू यांची सर्वानुमते ठराव पारित करून निवड करण्यात आल्यानंतर सदर निवड झाली असे उपसरपंचांनी घोषित सुद्धा केले होते. परंतु काही वेळाने ग्रामपंचायत सरपंच, उपसरपंच तथा सदस्यांनी ग्रामसभेच्या निर्णयाला विरोध करत ग्रामसभा तहकुब केली असे घोषित केले.

सदर पेसा ग्रामसभा कोणत्या कायद्याच्या अनुषंगाने तहकुब केली किंवा कुठलाही ग्रामसभेसमोर अर्ज सादर न करता मनमानी करत ग्रामसभेचे सभाध्यक्ष, सरपंच कु. स्मिता जगदीश किन्नाके यांनी मनमानी करत सभा तहकुब केली.

ग्रामसभा तहकुब केली यासंदर्भात अर्जाची मागणी ग्रामसभेला उपस्थित महिलांनी केली तर ग्रामपंचायत उपसरपंचांनी महिलांना धक्काबुक्की केली. गावकऱ्यांनी या घटनेचा निषेध व्यक्त केला. उपसरपंचावर कारवाई करण्यात यावी अशी मागणी करण्यात येत आहे.

15 दिवसामध्ये ग्रामपंचायत प्रशासनाने ग्रामसभा घेऊन सदर झालेल्या प्रकाराचा खुलासा करावा अन्यथा ग्रामपंचायत पदाधिकारी यांच्या मा. मुख्य कार्यकारी अधिकारी जि. प. चंद्रपूर यांच्या कडे अर्ज सादर करून ग्रामपंचायत पदाधिकाऱ्यांची चौकशी करण्यात यावी अशी मागणी वडगाव ग्रामस्थांनी केली.