जिवती तालुक्यातील पाटागुडा येथिल थ्री फेज वीज पुरवठा सुरळीत करा. संतप्त शेतकऱ्यांचा आत्महत्याचा इशारा

जिवती तालुक्यातील पाटागुडा येथिल थ्री फेज वीज पुरवठा सुरळीत करा.

संतप्त शेतकऱ्यांचा आत्महत्याचा इशारा

✍️दिनेश झाडे

चंद्रपूर जिल्हा प्रतिनिधी

7498975136

जिवती:-तालुक्यातील पाटागुडा येथिल शेतकऱ्यांनी विज बिल भरुन सुध्दा थ्री फेज वीज पुरवठा सातत्याने खंडित आहे तो वीज पुरवठा सुरळीत करावी अशी मागणी पाटागुडा येथिल शेतकरी करीत आहे.

   तालुक्यातील पाटागुडा  गावांसह विविध गावात वीजपुरवठा खंडीत होण्याचे प्रमाण अधिक आहे. सध्या रब्बी पिकांचा हंगाम चालू असून पिकांना वीज पुरवठा नसल्यामुळे पाणी देण्यास अडचणी येत आहे तसेच पाडागुडा येथिल शेतकऱ्यांचे पाण्यावीना पिक जळुन जात आहे. तसेच गावांत वीज नसल्याने पिण्याच्या पाण्याचा प्रश्न भेडसावत आहे.

    थ्री फेज लाईट  पूर्ण वेळ चालू ठेवण्यात यावी अशी मागणी शेतकऱ्यांनी केली.

  वीज बिल वसुलीचे काम जसे जोरदारपणे चालू आहे त्याप्रमाणे वीज वितरण कंपनीने नागरिकांना व शेतकऱ्यांना सुविधा देण्यात याव्यात अन्यथा शेतकऱ्यांचा उद्रेक होईल त्यामुळे वरील सर्व गोष्टी मार्गी लावून वीज पुरवठा सुरळीत करावा .व शेतकऱ्यांच्या पिकांचे नुकसान होणार नाही याबाबत वीज वितरण कंपनीने काळजी घ्यावी. अशी मागणी पाटागुडा येथिल शेतकऱ्यांनी केली आहे.