*हुतात्मा कॉ. ठाणू नायक*

----------------------------

धर्मा पूरम तांडो ठाणू तारो नाम

गोर कुळीर किदो नाम करण ,

ठाणू नायकेर नामेप वाजा वाजरे... !!1!!

मंगळी याडी तारी हामू तारो बाप ,

भायी जोदिया साखरू सोमला दिनेरे

तोन साथ तारे नामेप वाजा वाजरे... ! !2!!

दरगिया दानिया तार भायी साथ लिदे

लढाईन,भायीर हामेन आरी काळेरी

रातेन तारे नामेप वाजा वाजरे ... !!3!!

समाजेर साथ लेन जिवनेम गोको,चाडी

लगा दिने रझाकारेन दिने धोको ठाण्यान

किदे घात,तारे नामेप वाजा वाजरे ... !!4!!

जिवे सारू जपो नायक पाणीम जाण रकाडन धान दिने, आदेश आकरीरो घाले घेरो लगाय हात कडी पगेम घाले पगेरी बेडी तारे नामेप वाजा वाजरे... .!!5!!

येळा खोटी छ लामो रे आब करण जेर जेन रो सकेती,खबर रकाडो तांडेती

ठाणू तारे नामेप वाजा वाजरे....  !!6!!

बेटी सकमा रोव धारोधार आब केर आधार,कत धुंडूरे

बा तोन, चावळी बायी रोव क्रोधेम करण

विस चेतेम तारे नामेप वाजा वाजरे ... !!7!!

*कवि- गणेश करमठोट, चंद्रपूर*