वडगाव येथे क्रांतिवीर बाबुराव शेडमाके यांची जयंती मोठ्या जल्लोषात साजरी

वडगाव येथे क्रांतिवीर बाबुराव शेडमाके यांची जयंती मोठ्या जल्लोषात साजरी

✍️दिनेश झाडे

चंद्रपूर जिल्हा प्रतिनिधी

7498975136

चंद्रपूर/कोरपना :- 1857 चा स्वातंत्र्य लढ्यातील चंद्रपूर जिल्ह्यातील आद्यक्रांतिवीर, विदर्भाचे भूमिपुत्र, गोंडवाना शेर, अशा विविध नावाने ओळखले जाणाऱ्या क्रांतिवीर बाबुराव शेडमाके यांची आज दि. 12 मार्च रोजी जयंती विदर्भामध्ये मोठ्या जल्लोषात साजरी केल्या जाते. चंद्रपूर जिल्हातही विविध कार्यक्रमचे आयोजन करून क्रांतिवीर बाबुराव शेडमाके यांची जयंती साजरी करण्यात आली.

कोरपना तालुक्यातील वडगाव येथे क्रांतिवीर बाबुराव शेडमाके यांची जयंती मोठ्या जल्लोषात साजरी करण्यात आली. क्रांतिवीर बाबुराव शेडमाके ना सेवा सेवा च्या घोषणा देत गावामध्ये भव्य मिरवणूक काढण्यात आली. या मिरवणुकीमध्ये श्यामादादा कोलाम ढेमसा मंडळ वडगाव यांनीही सहभाग घेतला.

क्रांतिवीर बाबुराव शेडमाके यांच्या अश्वरूढ पुतळ्याचे बांधकाम वडगाव येथे सुरू असून त्याच ठिकाणी प्रतिमेस माल्यार्पण करून अभिवादन करण्यात आले.

याप्रसंगी गावपाटील मलकाजी पाटील कुळमेथे, विशेषराव शेडमाके, माजी सरपंच मोहपतराव मडावी, देवशाव आत्राम, बालाजी मडावी, देवराव किन्नाके, पांडुरंग किन्नाके, अंगणवाडी सेविका मालतीताई पावडे, सामाजिक कार्यकर्ते दसरथ कन्नाके, विठ्ठलरावजी मडावी प्रकाश शेडमाके, नितीन बावणे, गोंडवाना गणतंत्र पार्टीचे कोरपना तालुका प्रसिद्धी प्रमुख संकेत कुळमेथे, अस्मिता मडावी, प्रियंका शेडमाके, संगीता कुळमेथे, मंगला कन्नाके यांच्यासह गावकरी व समाजबांधव उपस्थित होते.