12 मार्च रोजी क्रांतीवीर शहीद बाबुराव शेडमाके यांच्या जयंतीनिमित्त डफ दंडोस रॅली व गुणवंतांचा सत्कार ----------------------------------------------------- गोंदोला समूह, गोंडियन सामाजिक सहायत्ता कल्याण संस्था,चंद्रपूर द्वारा आयोजित

-----------------------------------------------------

तालुका प्रतिनिधी

जिवती:-

1857 च्या स्वातंत्र्यलढ्यातील  चंद्रपूर- गडचिरोली जिल्ह्याचे शहीद क्रांतिवीर बाबुराव पुलेश्वर शेडमाके यांची 12 मार्च 2023 रोज रविवारला जयंती  निमित्याने शहीद बाबुराव शेडमाके यांना दंडोस अर्पण करण्यासाठी सोळा ढेमसा अठरा वाजांग डफ दंडोस तसेच गोंदोला मिशन पोस्ट ग्रॅज्युएशन अंतर्गत गुणवंतांचा सत्कार व रॅलीचे आयोजन करण्यात आले आहे.

या कार्यक्रमाचे उद्घाटक म्हणून डॉ.रामदासजी आत्राम,कुलगुरू डॉ.बाबासाहेब आंबेडकर विद्यापीठ, महू (म.प्र.) तर कार्यक्रमाचे अध्यक्ष डॉ.एच.एस.वरटी तसेच स्वागतध्यक्ष डॉ.प्रवीण येरमे संस्थापक,गोंदोला तर प्रमुख अतिथी वीरेंद्रशाह आत्राम गोंडराजे, मुरुगनाथम,सहाय्यक जिल्हाधिकारी तथा प्रकल्प अधिकारी ए.आ.वि.प्र.चंद्रपूर, डॉ.शारदा येरमे,संस्थापक,ग्राम आरोग्य सेना चंद्रपूर, सुमित परतेकी,ठाणेदार पोलीस स्टेशन मुल रवींद्र पुसाम,अतिरिक्त कार्यकारी अधिकारी अभियंता महा औ.वि.कें. चंद्रपूर,सुधाकर कन्नाके,अध्यक्ष गोंडीयन सामाजिक सहायता कल्याण संस्था चंद्रपूर, प्रा. शांताराम उईके,अध्यक्ष आल इंडिया आदिवासी एम्प्लॉइज फेडरेशन चंद्रपूर, रोशन इरपाचे पोलिस उपनिरिक्षक रामनगर, विजय कुमरे, जिल्हाध्यक्ष, ऑफ्रोट संघटना चंद्रपूर उपस्थित मान्यवरांचे मार्गदर्शन लाभणार आहे.

या जयंती निमित्त कार्यक्रमात बिरसा मुंडा चौक (कलेक्टर ऑफिस) ते शहीद भूमी कारागृह येथे 16 ढेमसा 18 वाजांग डफ दडोस  रॅली तसेच गोंडी गितगायक मेगराज मेश्राम, पांडुरंग मेश्राम, विजय पेंदोर, सुरेश वेलादी यांच्या गोंडी गीतगायन व आदिवासी समाजातील गुणवंतांचा सत्कार सोहळ्याचे आयोजन करण्यात आले आहे.

तरी या कार्यक्रमात मोठ्या संख्येने समाजबांधव उपस्थित राहावे असे आवाहन आयोजकांनी केले आहे.