घुग्घूस वर्धा नदी घाट बंद होताच चीचोली घाटात वाळू माफियांचा सुळसुळाट ! शासन गप्प

घुग्घूस :    चंद्रपुर जिल्हाधिकाऱ्यांच्या आदेशाने पर्यावरण विभागाची परवानगी येई पर्यंत जिल्ह्यातील सर्व वाळू घाट पुढील आदेशा पर्यंत उत्खनना साठी बंद करण्यात आले आहे.

घाट धारक ही उत्खनन करू शकत नाही मात्र घुग्घूस चिचोली घाट येथील वाळू माफियांने शासनाला चुना लावण्याचा विळाच उचलला आहे.

या वाळू माफियांना शासकीय अधिकाऱ्यांचे संरक्षण प्राप्त असल्याप्रमाणे हे बेधडक वाळू तस्करीत गुंतले असून दररोज दहा ते बारा ट्रॅक्टर ट्रॉली द्वारे वाळू उत्खनन करून प्रति ब्रास दोन हजार रुपये प्रमाणे विकल्या जात आहेत.

सदर वाळू तस्करी प्रकरणात तहसीलदार, मंडळ अधिकारी, तलाठी यांनी मुकदर्शक होऊन बघ्याची भूमिका घेतली आहे

या वाळू तस्करांचे वाहन रातभर आदळ - आपट करीत असल्याने चिचोली येथील नागरिकांना रात्री सुखाची झोप घेणे ही कठीण झाले आहे.

या तस्करावर कडक कारवाई करा अशी मागणी नागरिकां तर्फे करण्यात येत आहे