सर्व जातींच्या विद्यार्थ्यांना शालेय गणवेश खरेदीसाठी आर्थिक तरतुद करावी. जिल्हा युवक काँग्रेसचे जिल्हाध्यक्ष शंतनु धोटेंच्या नेतृत्वात मुख्य कार्यकारी अधिकाऱ्यांना निवेदन.

सर्व जातींच्या विद्यार्थ्यांना शालेय गणवेश खरेदीसाठी आर्थिक तरतुद करावी.

जिल्हा युवक काँग्रेसचे जिल्हाध्यक्ष शंतनु धोटेंच्या नेतृत्वात मुख्य कार्यकारी अधिकाऱ्यांना निवेदन.

✍️दिनेश झाडे

चंद्रपूर जिल्हा प्रतिनिधी

????7498975136

चंद्रपूर/राजुरा:-- जिल्हा परिषदेच्या शाळेतील विद्यार्थ्यांना अनेक वर्षापासुन शासनाकडून शालेय गणवेश पुरविण्यात येतात मात्र यात काही समाजातील विद्यार्थांना गणवेश खरेदी करण्यासाठी आर्थिक तरतुद उपलब्ध होत नसल्याने विद्यार्थी व पालक वर्गांमध्ये निराशा व असंतोष आहे. जिल्ह्य़ातील काही शाळेत शिक्षक, मुख्याध्यापक व पालक यांच्या सहकार्याने अशा विद्यार्थांना गणवेश वाटप करण्यात येतात तर काही शाळेत पालक स्वतः खरेदी करतात, काही शाळेतील विद्यार्थ्यांना शालेय गणवेश मिळत नाही. शाळेतील गणवेशाची ही समस्या सोडविण्यासाठी सर्वच विद्यार्थ्यांना शालेय गणवेश खरेदी करण्यासाठी आर्थिक तरतुद उपलब्ध करून देण्यात यावी व सर्वच जातीच्या विद्यार्थ्यांना गणवेश मिळावेत यासाठी चंद्रपूर जिल्हा ग्रामीण युवक काँग्रेस तर्फे जिल्हाध्यक्ष शंतनु धोटे यांच्या नेतृत्वात मुख्य कार्यकारी अधिकारी, जिल्हा परिषद चंद्रपूर यांना निवेदन देण्यात आले असून जिल्हय़ातील सर्व जाती च्या विद्यार्थ्यांसाठी शालेय गणवेश वाटप करण्यात यावे यासाठी आर्थिक तरतूद करण्यात यावी अशी मागणी करण्यात आली आहे.

        जिल्हा परिषदेच्या शाळेतील विद्यार्थ्यांना अनेक वर्षापासुन शालेय गणवेश शासनाकडून पुरविण्यात येतात. गणवेश खरेदीचे अधिकार शाळा व्यवस्थापन समितीला देण्यात आलेले आहे. शासनस्तरावरून गणवेशासाठी निधी जिल्हा परिषदेला वितरीत करण्यात येतो. जिल्हा परिषदेच्या शिक्षण विभागाच्या समग्र शिक्षा अभियान विभागाकडून तालुका गटशिक्षणाधिकारी कार्यालयाकडे हा निधी वितरीत करण्यात येतो. तालुका गटशिक्षणाधिकारी कार्यालयाकडून शाळा व्यवस्थापन समितीच्या खात्यावर हा निधी वितरीत करण्यात येतो. शासनाकडून देण्यात येणारा हा निधी शाळेत प्रवेशीत असलेल्या सर्व मुली व अनुसूचित जाती, जमाती, दारिद्र्य रेषेखालील मुले यांच्यासाठी देण्यात येतो. मात्र इतर समाजातील विद्यार्थांना गणवेश खरेदी करण्यासाठी आर्थिक तरतुद उपलब्ध होत नसल्याने शाळेचे मुख्याध्यापक व शाळा व्यवस्थापन समिती ला गणवेश विद्यार्थ्यांना वाटप करतांना अडचणी येतात. ज्या विद्यार्थ्यांना गणवेश मिळत नाहीत त्या विद्यार्थ्यांना शाळेत आपल्या जातीची जाणिव होते. लहान वयात जातीचे बीज मुलांच्यामध्ये पेरले जाते. शाळेतील काही मुलांना शालेय गणवेश मिळतो तर काहिना मिळत नसल्याने विद्यार्थ्यांमध्ये व पालकामध्ये नाराजी निर्माण होते आहे. शिक्षक व मुख्याध्यापक यांना गणवेश का मिळत नाहीत म्हणुन पालकांना उत्तरे देऊन रोषाला सामोरे जावे लागते. शाळेतील सर्व विद्यार्थ्यांना गणवेश सारखा मिळत नसल्याने शाळेत विद्यार्थ्यांमध्ये विविधता दिसते, त्यामुळे विद्यार्थ्यांमध्ये न्युनंगड निर्माण होऊन जातीचे बीज शाळेतच पेरल्या जाते. याचा परिणाम विद्यार्थ्यांच्या मानसिकतेवर होतो. तेव्हा ही गंभीर बाब लक्षात घेऊन यावर सकारात्मक निर्णय घेण्यात यावा अशी मागणी त्यांनी केली आहे.

     या प्रसंगी चंद्रपूर जिल्हा युवक काँग्रेस चे महासचिव प्रणय लांडे, राजुरा तालुका अध्यक्ष इर्शाद शेख, लोक नियुक्त युवा सरपंच रोशन मरापे, चिमूर विधान सभा अध्यक्ष रोशन धोक, सागर करमंकर, प्रतीक वनकर यासह युवक काँग्रेसचे अनेक पदाधिकारी व कार्यकर्ते उपस्थित होते.